Category Archives: ஜோதிடம்

images (39)

சுக்கிரன் – களத்திரகாரகன்

ஏழாம் வீடு களத்திர ஸ்தானமாகும்.!

1. ஏழாம் வீடு களத்திர ஸ்தானமாகும். (Seventh house is called as house of marriage)

2. சுக்கிரன் களத்திரகாரகன் எனப்படுவான் (Venus is called as authority for marriage).

3. ஏழிற்குரிய கிரகத்தின் திசை புக்தியில் அல்லது சுக்கிரனின் Sub – periodல் திருமணம் நடக்கும்

4. ஏழில் குரு இருந்தால் நல்ல மனைவி கிடைப்பாள் .

5. ஏழாம் வீட்டிற்கு உரியவன் (Owner) திரிகோண வீடுகளில் அமர்ந்து குருவின் பார்வை பெற்றாலும் நல்ல மனைவி கிடைப்பாள்.

6. ஏழில் சந்திரன் அல்லது சுக்கிரன் இருந்தாலும் நல்ல மனைவி கிடைப்பாள். இதே அமைப்பு பெண்ணாக இருந்தால் நல்ல கணவனாகக் கிடைப்பான்.

7. சுக்கிரனும், குருவும் கூடி நின்றால் படித்த புத்திசாலியான மனைவி கிடைப்பாள்.

8. சுக்கிரனுடன், சந்திரனும், புதனும் கூடி இருந்தால் ஒரு பெரிய செல்வந்தரின் மகள் மனைவியாகக் கிடைப்பாள்.

9. சுக்கிரனுடன், சனி சேர்ந்திருந்தால் மிகவும் கஷ்டப்படுகிற – ஆனால் உழைப்பு மிக்க குடும்பத்தைச் சேர்ந்த பெண் மனைவியாகக் கிடைப்பாள்.images (38)

10. ஏழாம் அதிபனுடன் எத்தனை கோள்கள் சேர்ந்திருக்கிறதோ அத்தனை பெண்களுடன் ஜாதகனுக்குத் தொடர்பு உண்டாகும். ஆனால் ஏழாம் அதிபது சுபக் கிரகமாகவோ அல்லது சுபக்கிரகத்தின் பார்வை பெற்றாலோ ஜாதகன் ஒழுக்கமுடையவனக இருப்பான்.

11. லக்கினாதிபதியும், ஏழாம் அதிபதியும் சேர்ந்து ஜாதகத்தில் ஆறு, எட்டு, பன்னிரெண்டாம் வீடுகளில் அமர்ந்திருந்தால் ஜாதகனுக்குத் திருமணம் நடைபெறாது.

12. சுக்கிரனும், செவ்வாயும் சேர்ந்து ஏழாம் வீட்டில் அமர்ந் திருந்தால் ஜாதகன் ஒரு விதவையை மணந்து கொள்வான்

13. ஏழில் ஒன்றிற்கு மேற்பட்ட பாப கிரகங்கள் இருந்தால் மனைவிக்கு நோய் உண்டாகும்

14. இரண்டாம் இடத்தில் பாப கிரகங்கள் இருந்தாலும், அல்லது இரண்டாம் வீட்டைப் பாப கிரகங்கள் பார்த்தாலும் அதனதன் திசா புக்திகளில் மனைவிக்கு நோய் உண்டாகும்.

15. ஏழிற்கு உடையவன் சர ராசியில் இருந்தால் ஜாதகனுக்கு இரண்டு தாரம் உண்டு. ஸ்திர ராசி என்றால் ஒரு மனைவிதான். உபயராசியென்றால் அவன் பல பெண்களுடன் தொடர்புடையவன்.

16. லக்கினாதிபதி சுக்கிரன் வீட்டில் இருந்தாலும், சுக்கிரனுடன் சேர்க்கை பெற்றிருந்தாலும், அல்லது சுக்கிரனின் பார்வை பெற்றிருந்தாலும் ஜாதகன் பல பெண்களிடத்தில் விருப்பம் உடையவனாக இருப்பான்.

17. ஏழில் சந்திரனும், சுக்கிரனும் சேர்ந்திருந்தாலும் சரி, செவ்வாயும், சனியும் சேர்ந்திருந்தாலும் சரி, ஜாதகனுக்கு உரிய காலத்தில் திருமணம் நடக்காது!

18. இரண்டாம் வீடு மற்றும் ஏழாம் வீட்டிற்கு உரியவர்கள், அதோடு சுக்கிரன் போன்றவர்கள் பாப கிரகங்களுடன் கூடி ஆறு, எட்டு அல்லது பன்னிரெண்டாம் வீட்டில் அமர்ந்தால் மனைவி நிலைக்க மாட்டாள்

19. இரண்டாம் வீடு மற்றும் ஏழாம் வீட்டிற்கு உரியவர்கள் கேந்திர, திரிகோணங்களில் நின்றால், ஜாதகனுக்கு ஒரே மனைவி,. அவர்கள் சுக்கிரனுடன் அல்லது பாப கிரகங்களுடன் கூடி ஆறு, எட்டு அல்லது பன்னிரெண்டாம் வீட்டில் அமர்ந்தால் பல பெண்களிடம் தொடர்பு ஏற்படும்

20. இரண்டாம் வீடு மற்றும் ஏழாம் வீட்டிற்கு உரியவர்கள் கேந்திர, திரிகோணங்களில் நின்றால், ஜாதகனுக்கு ஒரே மனைவி, அதோடு அவன் பிற மாதரை விரும்ப மாட்டான்

21. சுக்கிரன் இருக்கும் வீட்டிற்கு அதிபதி ஆறு, எட்டு, பன்னிரெண்டில் மறைவுற்றால் மண வாழ்க்கை மகிழ்ச்சியைத் தராது.

22. ஏழாம் வீட்டிற்கு அதிபதி பாபிகள் வீட்டில் நின்றாலும், பாபிகளால் பார்க்கப்பட்டாலும் ஜாதகனுக்குத் திருமணம் தூர தேசத்தில் நடக்கும்.

23. நவாம்ச சக்கரத்தில் ஏழாம் வீட்டு அதிபன் சுபர்களுடைய வீட்டில் இருந்தால் உள்ளூர்ப் பெண்ணே மனைவியாக வருவாள்.

24. ஏழாம் அதிபது பாப கிரகமாகி , ஆறு, எட்டு, பன்னிரெண்டில் மறைந்து நின்றால், எத்தனை கிரகங்களின் பார்வை அங்கே விழுகிறதோ அத்தனை பெண்களுடன் ஜாதகனுக்குத் தொடர்பு ஏற்படும

25. ஏழாம் அதிபதி சுபக்கிரகங்களுடன் சேர்ந்தால் மனைவி நல்லவளாக இருப்பாள். அதுவே பாப கிரகங்களுடன் சேர்க்கை என்றால் மனைவி பொல்லாதவளாக இருப்பாள்.

26. ஏழிற்குரியவன் ராகுவுடன் சேர்ந்து ஆறு, எட்டு, பன்னிரெண்டில் இருந்தால் ஜாதகன் இழிவான பெண்ணை மணக்க நேரிடும்.

27. சுக்கிரனோ அல்லது ஏழிற்குரியவனோ ஜாதகத்தில் நீசமாகியிருந்தால் திருமண வாழ்க்கை மகிழ்வாக இருக்காது.

28. காதலுக்கு மென்மையான உணர்வும், நல்ல உள்ளமும் வேண்டும். அதற்குரிய கிரகங்கள் சுக்கிரனும், சந்திரனும் ஆகும். இந்த இரண்டு கிரகங்களும் வலுவாக இருந்தால் காதல் உண்டாகும்.

29. சுக்கிரனும், சந்திரனும் சமபலத்தோடு இருப்பவர்களுக்குக் காதலில் வெற்றி உண்டாகும்! சுக்கிரனும், சந்திரனும் கேந்திரத்தில் இருந்தாலோ அல்லது திரிகோணத்தில் இருந்தாலோ காதல் அரும்பும். அது வெற்றியில் முடியும். இல்லை என்றால் இல்லை!

30. ஜாதகத்தில் சுப யோகங்கள் இருந்தால், அது எந்த வழிக்கல்யாணம் என்றாலும் தம்பதிகள் மனம் ஒத்து மகிழ்வோடு வாழ்வார்கள்.

31. அதே சுக்கிரனும், சந்திரனும், சொந்த வீட்டில் இருந்தாலும் அல்லது நட்பு வீட்டில் இருந்தாலும், குருவின் பார்வை பெற்றால் அல்லது சேர்க்கை பெற்றால் பலமுடையவர்கள் ஆவார்கள். அவர்களின் இந்த நிலைப்பாட்டைக் கொண்ட ஜாதகன் அல்லது ஜாதகியின் மண வாழ்வும் சிறக்கும். மகிழ்வுடையதாக இருக்கும்!

32. ஏழாம் வீட்டின் அதிபதியும், லக்கின அதிபதியும் பலமாக இருந்தால் திருமண வாழ்வு மகிழ்ச்சிக்கு உரியதாக இருக்கும்.

33. குரு, சந்திரன்,சுக்கிரன் ஆகிய மூன்றும் சுபக்கிரகங்கள். அவைகள் ஜாதகத்தில் கெட்டுப்போயிருக்கக்கூடாது. கெட்டுப் போவது என்பது – ஆம்பல் பூத்துத் தின்பண்டங்கள் கெட்டுப்போகுமே அது போலக் கெட்டுப் போவது என்று பொருள் இல்லை. அவைகள் ஜாதகத்தில் நீசம் அடையாமல் இருக்க வேண்டும்

34. அதே போல லக்கினாதிபதியும், ஏழாம் வீட்டு அதிபதியும் நீசம் அடையாமல் இருக்க வேண்டும். அவர்கள் இருவரும் நீசம் அடைந் திருந்தால் மண வாழ்க்கை சிறக்காது.

35. அதுபோல அந்த மூன்று சுபக்கிரகங்கள் ப்ளஸ் லக்கின அதிபதி, ப்ளஸ் ஏழாம் அதிபதி ஆகியவர்கள், மறைவிடங்களில் (Hidden Houses) – அதாவது 6,8,12ஆம் வீடுகளில் போய் அமர்ந்திருக்கக்கூடாது.

36. இரண்டாம் வீடு பலமுள்ளதாக இருக்க வேண்டும். அதாவது அஷ்டக வர்கத்தில் 28 அல்லது மேற்பட்ட பரல்களைக் கொண்டிருக்க வேண்டும். திருமணத்திற்குப் பிறகு சேர்ந்து குடும்பம் நடத்த அதற்கு இந்த வீடு முக்கியம். திருமணத்திற்குப் பிறகு மனனவியை இங்கே விட்டு விட்டு வேலையின் பொருட்டு தேடி வெளிதேசங்களில் போய் உட்கார்ந்து கொள் நேரிடும்

37. செவ்வாய், ராகு, கேது, சனி போன்ற கிரகங்களின் தோஷம் அல்லது சேர்க்கை அல்லது பார்வை இல்லாமல் இருக்க வேண்டும்.

38. ராஜ யோகம் உள்ள பெண்ணின் ஜாதகத்தில், லக்கினத்தில் குருவும், ஏழில் சந்திரனும், பத்தில் சுக்கிரனும் இருக்கும். அவளை மணந்து கொள்கிறவன் பாக்கியசாலி!.

39. 1,4,7,10ஆம் வீடுகளில் சுபக்கிரகங்கள் அமையப் பெற்ற பெண் அதிர்ஷ்டம் உடையவளாகவும் நற்குணம் உடையவளாகவும் இருப்பாள்.

40. 7ல் புதனும், சுக்கிரனும் இருந்து, 11ல் சந்திரனும் இருந்து, குருவினுடைய பார்வை பெறுவதும் ஒருவகையில் ராஜ யோகமே. அந்தப் பெண்ணை மணந்து கொள்பவன் மகிழ்ச்சியில் திளைப்பான். 

41. கன்னி லக்கினத்தில் பிறந்த பெண்ணின் ஜாதகத்தில் லக்கினத்தில் புதன் இருந்து, 11ல் (கடகத்தில்) குரு இருந்தால் அவளுக்கு ராஜ யோகம்தான்.

42. மிதுனம், சிம்மம், கன்னி, துலாம், விருச்சிகம்,கும்பம் ஆகிய ஒன்று பெண்ணின் லக்கினமாகி, அதில் சந்திரன் இருந்து, அவளுடைய நான்கு கேந்திர வீடுகளிலும் பாவ கிரகங்கள் இல்லாமல் இருந்ததாலும் அவள் யோகமான பெண்தான்.

43. கும்ப லக்கினத்தில் பிறந்து, 4ஆம் வீட்டில் உச்ச சந்திரனும் இருந்து, அந்தச் சந்திரன் குருவின் பார்வை பெற்றால், அந்தப் பெண் நாடாள்வோனின் மனைவியாவாள். அதாவது அரசனின் மனைவியாவாள். இப்போது சொல்வதென்றால் நாடறிந்த பெரிய தலவரின் மனைவியாவாள். அந்த நிலைக்கு அவளை மணந்து கொண்டவன் உயர்வான்.

44. எந்த யோகத்திற்கும் லக்கினாதிபதி பலமாக இருக்கவேண்டும். லக்கினதிபதி 6, 8 12ஆம் வீடுகளில் அமையப் பெற்ற ஜாதகர்கள் யோகங்கள் எதையும் அவர்கள் அடைய முடியாது. அவர்களால், அவர்களைச் சுற்றியுள்ள மற்றவர்கள் பயன் அடைவார்கள்.
45. திருமண யோகத்திற்கு, அதாவது மகிழ்ச்சியான திருமணத்திற்கு, லக்கினாதிபதி, 2ஆம் வீட்டுக்காரன், 7ஆம் வீட்டுக்காரன் ஆகிய மூவரும் பலமாக இருக்க வேண்டும்.

திருமண யோகத்திற்கு எதிரான சில அமைப்புக்கள்:

1. லக்கினாதிபதியும், இரண்டாம் வீட்டுக்குரியவனும் பலம் குறைந்து இருப்பதும், பாபக் கிரகங்களின் சேர்க்கை அல்லது பார்வை பெற்று இருப்பதும் கூடாது.

2. ஏழாம் வீட்டிற்கு இரு பக்கத்திலும், அல்லது லக்கினத்திர்கு இருபக்கத் திலும் தீயகிரகங்கள் அமர்ந்திருப்பது கூடாது.அதற்குத் தனிப் பெயர் உண்டு. அது பாபகர்த்தாரி யோகம் எனப்படும்

3. சுக்கிரன் நீசமடைந்து ஏழாம் வீட்டில் இருப்பதும், அல்லது தீய கிரகங்களுடன் சேர்ந்து ஏழாம் வீட்டில் இருப்பதும் கூடாது.

4. சுபக்கிரங்கள் மூன்றுமே, 3,6.8,12 ஆகிய மறைவிடங்களில் இருப்பது கூடாது.

5. குரு பலவீனமாகி ஆறாம் வீட்டில் குடியிருப்பது கூடாது. உடன் பாபக் கிரகங்கள் அந்த இடத்தில் அவருடன் சேர்ந்து இருப்பதும் கூடாது.

6. சுபக்கிரகங்கள் மூன்றும் நீசம் பெற்றிருத்தல் கூடாது
7. ஏழாம் வீட்டு அதிபதி அம்சத்தில் நீசம் பெற்றிருப்பதும் நல்லதல்ல!

8 ஏழாம் வீட்டு அதிபதி லக்கினத்திற்குப் பன்னிரெண்டில் அமர்வது நல்லதல்ல!

9. எட்டாம் வீட்டுக்காரன் ஏழில் குடியிருப்பது நல்லதல்ல!
10. ஏழில் சந்திரனுடன் சனி கூட்டணி போட்டு அமர்ந்திருப்பது நல்லதல்ல!

11. ஜாதகத்தில் சுக்கிரனுக்கு எதிர் வீட்டில் செவ்வாயும், சந்திரனுக்கு எதிர் வீட்டில் செவ்வாயும் இருப்பது நல்லதல்ல!

12. எழில் சந்திரன், புதன், குரு, சுக்கிரன் ஆகியோர்கள் நல்ல நிலைமையில் அமர்ந்திருப்பது நல்லது. செவ்வாயும், சனியும் எந்த நிலையில் அமர்ந்திருந்தாலும் நல்லதல்லஇந்த விஷயத்தை பார்க்க இப்படியும் ஒரு கோணம் உள்ளது

18

எதனை கொண்டு இந்த விதிகளை சொன்னார்கள் – 6

இலக்கினம் முதற்கொண்டு இலக்கினாதிபதியிருக்கும் வீடாகவும் எண்ணிக் கண்ட தொகையை இலக்கினாதிபதியைத் தொட்டு எண்ணி வருகையில்

அந்த வீடு பாவர்வீடாகில் தரித்திர யோகமென்றும்,

சுபர்கள், வீடாகில் தனவானாகவுமிருப்பன். ஜன்ம லக்கினத்திற்கு இரண்டு, ஐந்து பன்னிரண்டு இந்தவிடங்கள் சுபர் வீடாகில் தனவானுமாவான்.

ஜன்மத்தில் சனியும், நாலாமிடத்தில் சந்திரனும், ஏழாமிடத்தில் செவ்வாயும், பத்தாமிடத்தில் சூரியனும், குருவும், புதனும், சுக்கிரனும் இவர்கள் கூடி ஒரு வீட்டில் நிற்கப் பிறந்த ஜாதகன் இராஜயோகத்தை அனுபவிப்பான்.

எட்டு, ஆறில் பாபக்கிரகங்களிலிருந்து இலக்கினத்தைப் பாராதிருக்கப் பிறந்த சேய்க்குச் செல்வமுண்டாம் அல்லது மேற்சொல்லிய நால்வரும் மேற்கண்ட இராசிகளில் நீசராசி அல்லது மேற்கண்ட ஸ்தானங்களில் நீச்சமானவர்களோடு சேர்ந்து இருந்தாலும் தனவானாவான்

சந்திர இலக்கினத்திற்கதிபதி உச்ச ராசியிலாவது அல்லது நீச ராசியிலாவது இருக்கில் தனவானாம்.

சந்திரனோடு உச்சம் பெற்ற நற்கோள்கள் சேர்ந்திருக்க குடும்பஸ்தானதி முச்சமாகி சுபக்கிரகங்கள் நிற்க. பிறந்த சேய்க்குச் செல்வமுண்டென்றறியவும்

ரிஷபத்தில், சந்திரன், விருட்சிகத்தில் குரு நிற்க, தனவானாம்,

சுக்கிரன் வீட்டில் வியாழன் நிற்க, மகரத்தில் குஜன் நிற்க, குருவோடு, பூர்வபட்சத்து சந்திரன்கூட, புதனும், குருவும் கூடி நிற்க, இலக்கினந்தன்னில் சுக்கிரனுமிருக்க, நிறைந்த தனவானாகவும்,

கல்விக்கரசனாகவுமிருப்பான். சுக்கிரன் உச்சம் பெற, வியாழன் இலக்கினத்திலிருக்க சந்திரனைப் பாவர்கள் பார்க்க, பிரபலமாய்த் தனம் படைப்பான்.

17

எதனை கொண்டு இந்த விதிகளை சொன்னார்கள் -5

இலக்கினாதிபதி பலவீனமாய் 6, 8, 12 – லிருந்தால் சேவகாவிருத்தி அல்லது கூலி ஜீவனம் பண்ணுவான். மற்ற கிரகங்களின் பலாபலன் பார்த்து அறிந்து சொல்லவும்

இலக்கினாதிபதியிருக்கிற ராசிக்கதிபன் ஆட்சியுச்சம், கேந்திரமும் திரிகோணங்களிலுமிருந்தால், அவன் பருவதங்களிலே மூலிகை மந்திரமறிந்து சித்தி புருஷனாகவிருப்பான்.

பிஞ்சுகள் வெம்பிப் பழுப்பது உடலுக்கு முன் மூளை தெரிந்து கொள்வதால்தான்.

குழந்தையாய் இருப்பின் உலகம் சந்தோஷம் தான்.

14

எதனைக் கொண்டு இந்த விதிகள் சொல்லப்பட்டுள்ளது – 4

இலக்கினத்தில் சனியிருந்து சந்திரனாவது, சுக்கிரனாவது 7 – ல் நிற்க, அழிந்து போனவளுக்குப் பர்த்தாவாவான்.

இலக்கினாதிபதியுன் புதன் கூடினால், முந்தின பிள்ளை பெண் பெறுவன்.

இலக்கினாதிபதி பாபருடன் கூடி ராசியிலாவது 8 – லாவது இருந்தால், சரீரத்தில் சிரங்கு, கொப்பளம், அரையாப்பு கிரந்தி இரணமுள்டாகும்.

இலக்கினாதிபதி, சூரியன் செவ்வாய்கில், சுடு சாதத்தின் மேற் பிரியன்.

இலக்கினாதிபதி, சந்திரனாகில் தித்திப்பில் விருப்பன்
இலக்கினாதிபதி புதனாகில், புளிப்பில் விருப்பன்.

இலக்கினாதிபதி வியாழனாகில் தயிரில் விருப்பன்
இலக்கினாதிபதி சுக்கிரனாகில், சமபுசிப்பு


இலக்கினாதிபதி சனியாகில், காட்டுக்கீரை மேல் விருப்பம்.


இலக்கினாதிபதியுடன் இராகு – கேது கூடினால் சக்திபூசை செய்து மாமிசம் புசிப்பான்.


இலக்கினம் மகர, கும்பமாகில், அதில் சனியிருந்தால் சகல பாக்கியமுண்டு.


இலக்கினம் கடகமாகில், அதில் சந்திரனிருந்தால் பூமி பாலகனாகவும் யோகவானாகவும் இருப்பான்.


இலக்கினாதிபதி பத்துக்கதிபன், இவர்கள் வலுத்திருந்தால் உத்தியோகம் செய்வான்

2

எதனைக் கொண்டு இந்த விதிகள் சொல்லப்பட்டுள்ளது-3

லக்கினத்தில் கேது இருந்தால் – வியாதியுடையவன், திரவியமுடையவன், விதிகளை தீர்க்க வகையறியவல்லவன், விஷப்பரீ¬க்ஷ பார்க்க வல்லவன், புத்திரனுள்ளவன் எளியன், அற்பாயுள்ளவனாக விருப்பான்.

 
லக்கினத்தில் சனியிருந்தால் -புத்திரவாதனையுண்டு, துர்ப்புத்தி, துர்விசாரன், ராஜகோளன், பெரியமனிதன், வாதசரீரன், உற்சாகமுடையவன், கிராமாதிகாரமுடையவன், வித்துவான், மௌனமுடையவன், ரூபவான், ரோகி, ஆட்சி உச்சாமாகில், ஞானவானுமாய் தனவானுமாய் தீர்க்காயுளுடையவன்
இலக்கினத்தில் சுக்கிரனிருந்தால் – அதிகாரமுடையவன், கணிதமுடையவன், வாசனையுடையவன், பெண் சாதிப்பிரியன், வஸ்திர அலங்காரப்பிரியன், சந்தன புஷ்பப்பிரியன், காமப்பிரியன், சுகசரீரன், நேத்திர அழகுள்ளவன், தீர்க்காயுளுண்டு
லக்கினத்தில் வியாழனிருந்தால் – தன் வீட்டிலே «க்ஷமமுண்டு, தர்க்க சாஸ்திரமறிவான், புத்திமான், சுகமுடையவன், சேனாதிபதி, இராசபூச்சியன், சதுரங்கவுபாயன், அழகுண்டு, ஞானி, தீர்க்காயுள்
லக்கினத்தில் புதனிருந்தால் – சரீர பூஷணன், மந்திராலோசனை உச்சாடனமுள்ளவன், பந்துக்கள் உண்டு, சோதிட சாஸ்திரம் அறிந்தவன், வித்தையுண்டு, காவிய கணிதமுடையவன், ஞானவான், இராஜசன்மான- முடையவன், தனவான், வாக்சாலகன், தீர்க்காயுள்
s11

எதனை கொண்டு இந்த விதிகளை சொன்னார்கள்-2

இலக்கினத்திற்கு இருபுறமும் சுபர் நிற்க,
இராஜ யோகம்,
இருபுறமும் பாபர் நிற்க தரித்திரயோகம் -

தனவீன முடையவன், துஷ்டன், பிரதேசங்களில் ஜீவனம் – பண்ணுவான். அற்ப வயதுள்ளவன்.

இலக்கினத்தில், சூரியனிருந்தால் – பயித்திய சரீரம், ஆரோக்கியவான், சூரத்துவமுண்டு கொஞ்சம் நேத்திர யோகம்

லக்கினத்தில் சந்திரனிருந்தால் -
கண் உன்னதமானது வியாதியுள்ளவன், மூக்கில் ஜலம் வடியும், நீர் விழுரோகமுண்டு, பெண்கள் சகோதரமுண்டு, வாதசரீரம், பயிர் செய்வான், கண்டத்தில் ரோகமுண்டு, குய்யத்திலே வியாதியுண்டு, கொஞ்சம் கருணை, ரோகம், தயாபரன், தீர்க்காயுள், ஞானியாயிருப்பான்.

லக்கினத்தில் செவ்வாயிருந்தால் – சரீர உஷ்ணம், மேகசரீரம், திருட்டு புத்தி, கழுத்து பெரியதாயிருக்கும், சிவந்த சரீரன், பாலவயதில் பிதிருக்குப் பீடையுண்டு, ராஜ சாமர்த்தியன், கோபமுடையவனாகவும் படிப்பில்லாதவனாகவுமிருப்பான்

மேஷம், ரிஷபம், மிதுனம், கடகம், சிங்கம், கன்னி, மகரம் இராசிகளில் ராகுவிருக்கிறபோது பிறந்தால் யோகவான்

போகியாயிருப்பான், தயையுள்ளவன், தீர்க்கபுத்தி, ஸ்திரீவாஞ்சை, தன் குலத்திற்கு பிரபலமாயிருப்பான்,

செவ்வாய் சந்திரன் கூடி நிற்கில் மாதுர்தோஷம்,

சூரியன், செவ்வாய், சனி கூடி நிற்கில் பிதாவுக்கு தோஷமுண்டு.

 

10

யாருக்கு எங்கே பலம் ? -3

சுபக் கிரகங்கள் திரிகோண பலத்தில் பகை நீச்சம் பெற்றிருந்தால் ஆதிபத்தியத்தின் அடிப்படையில் சுபாதிபத்தியத்திற்கு பாபியாகவும், பாப ஆதிபத்தியத்திற்கு எதிர்பாராத நன்மையைத் தரும் யோக கிரகமாகவும் மாறி ஜாதகரின் வாழ்க்கையில் சுபாசுபப் பலன்களை வழங்கும் என்பது விதி.

சூரியன், செவ்வாய் ஆகிய கிரகங்கள் 1,4,7ல் அமர்ந்து சனி 1,4,10ல் அமர்ந்து இதர கிரகங்களால் பார்க்கப்படும் போதும், இவர்களுடன் சேரும் போதும் அந்தந்த கிரகங்களின் ஆதிபத்தியம் அடிப்படையில் இவர்களுக்கு சம்பந்த பலன் ஏற்படும்.

இந்த சம்பந்த பலத்தில் ஒன்றுக்கு மேற்பட்ட கிரகங்கள் கேந்திரத்தில் இருக்கும் கிரகங்களுடன் சேரும் போதும் சம்பந்த கிரகங்களின் பலத்தின் அடிப்படையில் பலன்கள் அமையும்.

கேந்திர பலம் பெற்ற கிரகங்களின் திசை புத்தி நடைபெறும் காலத்தில் நல்ல பலன்கள் அனுபவத்துக்கு வரும்.

கேந்திரத்தில் உள்ள கிரகங்களுடன் சம்பந்த பலம் பெற்ற கிரகங்களின் திசை புத்தி நடைமுறையில் வரும் போது அந்தந்த கிரங்களின் ஆதிபத்திய பலத்தில் கேந்திர பலம் பெற்ற கிரகத்தின் ஆதிபத்தியத்தின் அடிப்படையில் மாறுதல்கள் ஏற்படும்.

12

யாருக்கு எங்கே பலம் ? -2

கொடுப்பதிலும் கெடுப்பதிலும் நிகரற்ற பலசாலியான சனி பகவான் ஜென்ம லக்கினத்திற்கு 7மிடத்தில் பூரண பலம் பெறுகிறார். 7மிடத்தில் சனி இருக்கும் போது பிறந்தவர்கள் வாழ்க்கையில் மிக உன்னத நிலையை அடைகிறார்கள் என்பது அனுபவ சித்தாந்தம்.

களத்திர காரகனான சுக்கிரன் சுகஸ்தானமாகிய 4மிடத்தில் மிக்க பலசாலிகள் பாக்கியங்களோடு வாழும் பாக்கியம் அமையும்

புதன், குரு ஆகிய சுபக்கிரகங்கள் லக்கினத்தில் அமர்ந்திருந்தால்(முதலாம் திரிகோணம்) மிக்க பலசாலிகளாக பூரண பலத்தோடு விளங்குகிறார்கள்.

உடலாகிய சந்திரன் வளர்பிறை காலத்தில் திரிகோணமாகவும், தேய்பிறை காலத்தில் கேந்திரமாகவும் அமர்ந்திருப்பது மிகமிக உத்தமம்.

சாயா கிரகங்களாகிய ராகு, கேதுக்களில் ராகு 4ம் இடத்திலும் கேது 10ம் இடத்திலும் அமர்ந்து இருப்பது மிகமிக உத்தமம்
இப்படியாக கிரகங்களின் பலம் அமைந்து இவர்களுடைய திசை வரும் காலம் ஜாதகர்களுக்கு பிரபலமான ராஜயோகம் ஏற்படும்.

இதற்கு மாறுபட்ட வகையில் கேந்திரங்களில் பாபக் கிரகங்களும், திரிகோணங்களில் சுபக் கிரகங்களும் அமர்ந்து சுபக்கிரக பார்வை, சேர்க்கை அமையப் பெற்றவர்களுக்கும் வாழ்க்கையில் உயர்வுகள் அமைகின்றன.

லக்கினாதிபதிகள் மேற்கண்ட விதமாக கேந்திர திரிகோணங்களில் அமர்ந்து இருந்தாலும் மேற்கண்ட வரிசைக் கிரமமே யோக லட்சணமாகும்.

3

யாருக்கு எங்கே பலம் ? – 1

கொடியோர்கள் கேந்திரத்தில் பலம் பெற்று இருந்தால் நல்ல பலன்களைத் தருவார்கள் என்பதும்

சுபக் கிரகங்கள் திரிகோண பலத்தில் அமர்ந்திருந்தால் சுப யோகத்தைச் செய்வார்கள் என்பதும் பொது விதி.

கேந்திரம் என்பது ஜன்ம லக்கினம் முதலாக 1,4,7,10. திரிகோணம் என்பது ஜன்ம லக்கினம் முதலாக 1,5,9.

சூரியன், செவ்வாய் ஆகிய இரண்டு கிரகங்களும் தசம கேந்திரத்தில் பூரண பலம் பெறுகிறார்கள். இப்படியாக பத்தாமிடத்தில் சூரியன், பத்தாமிடத்தில் செவ்வாய் அமையப் பெற்றவர்கள் பெரும் பாக்கியசாலிகள். இவர்களுக்கு படிப்பும் நல்ல விதமாக அமைந்து இருந்தால் அரசு துறையில் உத்தியோகம் அமையும் அல்லது அரசியலில் பெரும் பதவியோடு திகழும் பாக்கியமும் அமையும்.

3

எதனைக் கொண்டு இந்த விதிகள் சொல்லப்பட்டுள்ளது – 1

( இதனை ஆராய்பவர்கள் அல்லது ஆராய்ந்தவர்கள் அவர்கள் பதிவை பதிவிடுங்கள்)

அங்காரகனுக்கு பதினொராமிடத்தில் சந்திரன் நிற்க, பிறந்த குழந்தைக்கு தோஷமுண்டு, சுபக்கிரகங்கள் அதைப் பார்க்கில் அந்தக் குழந்தையை இன்னொருவர் வளர்ப்பார். பாபக்கிரகங்கள்சந்திரனைப்பார்க்கில்குழவிசேதமாகும். பாக்கியாதிபதி சந்திரனைப் பார்க்கில் தகப்பன் வாழும் மனையில் ஜனனனமாகுமென்று அறியவும் ( சந்தேகம் குழந்தையை இன்னொருவர் வளர்ப்பார் என்று இருக்கிறது அந்த இன்னொருவர் என்பது குடும்ப உறுப்பினர்களா? இல்லை வெளியாட்களா?