நம்மள நாமே பார்ப்போமே 7

ஸ்ரீ உமா மகேஸ்வரர் ஆலயத்தில் ஆத்மா  உடன் நடந்த உரையாடல்கள்
தொகுத்து எழுதியவர் : திருமதி ஜெயந்தி
தட்டச்சு : திருமதி லதா மகரிஷி

பகுதி 7

ஒரு  வீடு இடிஞ்சுதுன்னா அதை ரிப்பேர் பண்றோம், ஒரு வண்டி ரிப்பேர் ஆச்சுன்னா அதை சரி பண்றோம். அதே மாதிரி இந்த உடம்பு ரிப்பேர் ஆச்சுன்னாலும் சரி பண்ணனும். நல்லா கவனத்தில் கொண்டோம்னா, ஒரு வண்டிரிப்பேர் பண்ணும்போது  நாம் எந்த விதமான ஒரு பாதிப்பும் அடையறது கிடையாது, ஓரே ஒரு பாதிப்பு மட்டும் அடைவோம். என்னன்னா பில்லு அதிகமாகவரும் போது பைன்னாஸ் ரீதியா, உடலாகப் பட்டது நான் அல்ல அப்படீங்கற ஒரு சிந்தனை வரனும்,  உடம்புக்குள்ள விருந்தினரா இருக்க ஆன்மா  வந்து நுழைஞ்சிருக்கிறது  அப்போ வெளியே இருந்து எது உள்ளே வருகிறதோ அது  விருந்தினர், வெளியே இருந்து ஒரு ஆள் இந்த வீட்டுக்கு வந்தார் அப்படீன்னா யார் அது? விருந்தினர் இல்லையா? நாம் விருந்தினரா இருந்து, தொல்லைதரக்கூடிய விருந்தினரா இருக்கலாமா? இருக்கக்கூடாது.

நம்மளுடைய செயல்கள், செயல்பாடுகள் அந்த வீட்டுல இருக்கிறவங்களுக்கு  கஷ்டத்தை தரலாமா? தரக்கூடாது. அப்போ நம்மளுடைய மனம் என்கிற செயல் ஆகப்பட்டது இந்த உடலுக்கு எந்த விதத்திலும் ஊறு விளைவிப்பதாக எக்காரணத்தைக் கொண்டும் இருக்கக்கூடாது. அப்போ இந்த உடலை இருந்து முதல்ல நாம் என்ன பண்ணனும். ஒருவிடுதிக்கு (லாட்ஜ்) போறோம். அந்த விடுதியினுடைய முதலாளியிலிருந்து வேலை செய்யும் பையன் முதற்கொண்டு நம்மளுடைய தேவைகளை பூர்த்தி பண்ணக்கூடிய அந்த வேலையாள் முதற் கொண்டு நாம ஒரு 15 நாள் தங்குகிறோம் அப்படீன்னா நாம அவங்களைப் பத்தி தெரிஞ்சுக்கறதில்லையா? தெரிஞ்சு நம்மளுடைய தேவைகளை அவங்க கிட்டசொல்ல, அவங்களுடைய சில தேவைகளை நாம் பூர்த்தி பண்ண அந்த 15 நாள் வாழ்க்கையாகப்பட்டது, அந்த 15நாள் விஷயமாகப்பட்டது எந்த அளவுக்கு சந்தோஷமாகப்போகுது. 

நம்மள நாமே பார்ப்போமே 6

ஸ்ரீ உமா மகேஸ்வரர் ஆலயத்தில் ஆத்மா  உடன் நடந்த உரையாடல்கள் 
தொகுத்து எழுதியவர் : திருமதி ஜெயந்தி
தட்டச்சு : திருமதி லதா மகரிஷி

பகுதி 6

உரியவர் யாரென்ரால்   நான் .

இத்தனை நேரம் நான் பேசறேன், அப்படின்னா, நான் என்று ஒன்று இருக்கனும். அப்ப ஓவ்வொருத்தரும் மொதல்ல மதிக்கவேண்டியது யாரை? நானே மதிக்கப்படவேணடியது. ஆராதிக்கப்பட வேண்டியது, எப்போதும் கவனத்தில் வைத்திருக்க வேண்டியது  எது? நாம் அந்த நாம் என்கிற  விஷயம் அந்த நாம் என்பது இருந்து அல்லது நான் என்பது , எதால் குறிப்பிடப்படுகிறது  உடலால்   அப்போ இந்த உடம்புக்குன்னு ஒரு மரியாதை இருக்கு,  இந்த உடம்புக்கு உண்டான மரியாதை அப்படீங்கறதை  நாம் எப்படி செலுத்த முடியும்?

ஓரு கடினமான வேலைசெய்யும்போது அந்தக் கைக்கிட்டேயோ, அல்லது அந்த கால்கிட்டேயோ நீங்க  என்னைக்காச்சும் எனக்கு இதனால் இப்படியிருக்கு அதனாலே கொஞ்சம் சரி பண்ணிக்க. என்னதான் இருந்தாலும், எங்கூட இத்தனை வருஷமா இருந்திட்டே, உன்னைக் கஷ்டப் படுத்தறது எனக்கு வருத்தமாத்தான் இருக்கு, ஆனாலும் வேற வழியில்லை. அப்படின்னு என்னைக்காச்சும் சொல்லியிருக்கீங்களா?   அடுத்தவங்க காலை மிதிச்சதுக்கு நீங்க சாரி சொல்றீங்க  அடுத்தவங்க மிதிச்சதுக்கும் நீங்க சாரி சொல்றீங்க உங்க கால்கிட்டே ஒரு வாசற்படி தட்டின உடனே ஒரு சாரி சொல்லியிருக்கீங்களா? ஏமாந்துவிட்டேன்னு நீங்க என்னிக்காச்சும் உங்க கால் கிட்டே சொல்லியிருக்கீங்களா? இது ஒரு முட்டாள் தனமா, அல்லது ஹம்பக்கா தெரியும், அல்ல, இந்த உடல் என்பது நீ அல்ல அப்படீங்கறது   முதல்ல உங்களுக்குப் புரியனும். நீ என்பதும், நான் என்பதும், நாம் என்பதும் இந்த உடல் அல்ல அதையும் தாண்டி இருக்கக்கூடிய ஒரு வஸ்து .

இன்றைய உரையாடல் 25.8.2018

சத்சரிதம் என்றால் என்ன.

சாய்பாபா  வாழ்ந்த காலத்தில் இருந்த அவருடைய பக்தர்கள், தாங்கள் சாய்பாபாவிடம் அனுபவித்த நிகழ்ச்சிகளை தங்களுக்குள் பகிர்ந்து கொண்டது.
சாயி சத்சரிதத்தில் ஒரு அத்தியாயம் துவங்கும் பொழுது இதற்கு முன் ஒரு ஞானியை பற்றி கூறப்பட்டுள்ளவைகளை முன்னுரையாக கூறிவிட்டு பின்னர் அந்தந்த நிகழ்ச்சிகளை அப்படியே கூறுவார்கள் இதைப் பார்க்கும்போது ஒரு நிகழ்ச்சியை நாம் எவ்வாறு புரிந்து கொள்ள வேண்டும் என்று நமக்கு எளிமையாக அது நம்மை படிப்பிக்கும்.

சீரடிக்கு ஒருவன் பாபாவை பார்க்க செல்கிறான் நானும் பாபாவை பார்க்க செல்கிறேன் என்றால் நானும் அவனும் ஒன்று என்ற மனப்பான்மை முதலில் வரவேண்டும் பின்னர் அவர்களுக்கு ஏற்பட்ட அனுபவங்களை தங்களுக்குள் பகிர்ந்து கொள்ளும் போது அவர்களுடைய நம்பிக்கையை மேலும் வலுப்படும். இது எப்படி என்றால் நம் நாட்டில் ஒரு தீவிரவாதி குண்டு வைக்கிறான் என்றால் வேறு நாட்டில் குண்டு வைத்தும் தீவிரவாதி அவனை தன் இனத்தை சேர்ந்தவனாகவே அவனை பார்க்கிறான், தன்னுடைய ரத்த சொந்தங்களை விட அவர்களுக்கு முன்னுரிமை அளிக்கிறான்.

முதலில் ஒவ்வொரு விஷயத்தையும் நாம் ஆழ்ந்து கவனித்து சிந்திக்க வேண்டும் அதுகுறித்து நமக்கு நாமே பகிர்ந்து கொள்ள வேண்டும். அப்படி செய்யும்போது தான் ஒரு முன்னேற்றம் நமக்கு ஏற்படும்.

கருணாநிதியிடம் நாம் கற்றுக்கொள்ள வேண்டிய முக்கியமான விஷயம் அயராத இலக்கு நோக்கிய உழைப்பு. அந்த உழைப்புக்கு நாம் எப்போதுமே தலை வணங்க வேண்டும். சிஸ்டம் பிரகாரம் இருக்கிற உழைப்பு, இலக்கு மாறாத உழைப்பு, எல்லா வினாடியும் சிந்தித்தல் தன்னைப் பற்றி மட்டுமே சிந்தித்தல். அதில் தவறு கிடையாது எதைப்பற்றியுமே சிந்திக்காமல் இருப்பதற்கு பதில் தன்னை பற்றியாவது சிந்தித்தல் நல்லதே.

அப்துல் கலாம் அவர்களை பார்த்து நாம் கற்றுக்கொள்ள வேண்டியது உழைப்பு. ஐந்தாவது படிக்கும் வயதில் அவர் பேப்பர் போட சென்றுவிட்டார், அப்படி சென்றால் தான் படிக்க முடியும். ஆனால் நாமோ சோம்பேறித்தனமாக இருக்கிறோம் நாம் பேப்பர் போடத் தேவையில்லை ஆனால் குறைந்தபட்சம் காலையில் சீக்கிரம் எழுந்து எழுந்து உடற்பயிற்சி செய்யலாம், நாம் செய்யாமல் காரணம் சொல்லிக் கொண்டு இருக்கிறோம்.

அவரைப்பற்றிய புத்தகத்தை முழுமையாக கூட நாம் படிக்க வேண்டியதில்லை இரண்டாவது பக்கத்தை படித்தாலே அதற்கு மேலாக புத்தகத்தை மூடி வைத்துவிட்டு குறைந்தபட்சம் ஒரு நான்கு மணி நேரமாவது நாம் சிந்திக்க வேண்டியிருக்கும். திரு கலாம் அவர்கள் ஒரு விஞ்ஞானி மட்டுமல்ல அவர் ஒரு ஞானியும் கூட அவரிடம் நாம் கற்றுக்கொள்ள வேண்டியவை பல விஷயங்கள் உண்டு.
ஒரு மனிதன் என்றால் அவனுக்கு ஒரு தனித்தன்மை இருக்க வேண்டும் தனித்தன்மையுடன் ஒரு சிஸ்டமும் இருந்தால் அது தான் சிறப்பு.

அவுரங்கசீப் ஒரு பேரரசனாக பிறந்த போதும் இருந்தபோதும் தன்னுடைய கடமைகளை செய்ய தவறியதில்லை ஐந்து வேளைகள் ஒரு நாளைக்கு தொழுவதாக இருந்தாலும் அல்லது தன்னுடைய தொப்பியை தானே தைப்பது ஆனாலும் அவர் வாழ்ந்து காட்டினார்.

மயில்சாமி அண்ணாதுரை அவர்கள் திரு கலாம் பற்றி கூறும்போது ஒரு விண்வெளி ஆராய்ச்சியில் ஈடுபடும்போது ஒரு ராக்கெட் ஏவுவது என்றால் அதற்கு பல்வேறு கிரகங்களின் சுழற்சி இன்னும் பிற பிற விஷயங்களை கணக்கில் கொண்டு நேரம் தேர்ந்தெடுக்க வேண்டும். அதன் பிறகு ஒவ்வொரு நாளுக்கும் ஒரு டார்கெட் ஒன்று உண்டு அதை பெரும்பாடுபட்டு சரியாக அவர்களது குழு சரியாக செய்து முடிக்கும் செய்து முடித்துவிட்டு அந்த வெற்றியைக் கூட அவர்கள் கொண்டாட முடியாது. ஏனென்றால் அந்த வேலை முடிந்துவிட்டது ஆனால் அடுத்த நாளைக்கு உண்டான வேலை ஏற்கனவே நிச்சயிக்கப்பட்டு உள்ளது. இந்த விஷயம் இன்றைய பெரும்பாலான இளைஞர்களுக்கு புரிவதில்லை நீ தவற விடுகிற ஒவ்வொரு வினாடியும் உனக்கு முன்பாக பல லட்சம் பேர் சென்று கொண்டிருக்கிறார்கள்.

சின்ன சின்ன வார்த்தைகளிலிருந்து ஒவ்வொரு விஷயத்தையும் சிந்திக்க வேண்டும் அப்படி சிந்திக்கும் போது உனக்குள்ளேயே ஒரு மாற்றம் உண்டாகும். கற்பனையிலேயே இருக்க வேண்டும் அதனால் எந்த பலனும் இல்லை எதார்த்தத்தில் இருக்க முயற்சி செய்ய வேண்டும்.

நாம் பார்த்து மிரட்சி அடைய வேண்டும் இருக்கக்கூடிய நபர்கள் பலர் அதில் முதன்மையானவர் வேறு யாரும் அல்ல நாமேதான். ரா. கணபதி அவர்களின் எழுத்தாற்றல் மிகவும் சிறப்பான அவர் எழுதிய ஆத்ம தாரகை என்னும் நூல் மிகவும் சிறப்பானது அது படிப்பதற்கு கொஞ்சம் சிரமமாக உள்ளதுபோல தோன்றும். இயல்பாக படிப்பதில் நாட்டம் இருந்தால் மட்டுமே இதுபோன்ற நூல்களை படிக்க முடியும். அதில் ரமணர் பற்றி அரவிந்தரை பற்றி ஒரு யாத்ரீகன் பேசுவதைப் போல இருக்கும். நான் சவால் விடுகிறேன் என்று அந்த மகானிடம் அந்த நபர் கூறுவார் அந்த மகானுக்கு வார்த்தை விளையாட்டு களில் எல்லாம் விருப்பம் இல்லை அவர் கேட்பார் ஆமாம் நான் என்று சொல்கிறாயே அந்த நான் யார்.

சுப வீரபாண்டியன் புனிதமும் தீட்டும் அப்படி ஒரு தலைப்பில் பேசும்போது கங்கையை பற்றிக் குறிப்பிடுவார் நதிகளிலே ஆறாவது மிகவும் அசுத்தமான புனித கங்கை ஆகும் என்று கூறுவார். கங்கை நதி மட்டுமே எலும்பையும் கரைக்கக்கூடியது அதனால் தான் நமது முன்னோர்கள் அஸ்தியை கங்கையில் கரைக்க நம்மிடம் கூறியுள்ளனர்.

ஆப்ரகாம் லிங்கன் அவர்கள் ஒரு சமயம் சிந்தனையில் இருந்த போது அவரது நண்பர்கள் கவலைப்பட வேண்டாம் கடவுள் உங்கள் பக்கம் இருக்கிறார் என்று கூறினார்கள். அதற்கு லிங்கன் நான் கடவுள் இருக்கும் பக்கம் நான் இருக்க வேண்டும் என்று நினைக்கிறேன் என்று அவர்களிடம் கூறினார், இதுதானே தீர்க்கமான சிந்தனை. நான் தப்பு பண்றப்போ கடவுள் என்னை காப்பாற்ற வேண்டும் என்று எண்ணாமல் நான் சரியான மனிதனாக இருக்க வேண்டும் என்று நினைப்பது தானே உயர்வு.

உன்னுடைய வினை மட்டுமே உன்னுடைய செயலாக்கத்திற்கு காரணம் உன்னுடைய செயலாக்கம் மட்டுமே உன்னுடைய வினையை மாற்றும். கலாம் அவர்கள் சொல்வது போல you cannot change your fate but you can change your habits. If you change your habits everything will change. உனக்கு கீழே வேலை செய்பவர்களிடம் கழுதை மாதிரி கத்திக்கொண்டே இருந்தால் யாரும் உன்னுடன் வேலை செய்ய மாட்டார்கள். அதற்கு பதில் அவர்களுக்கு புரிவது போல சரியாக எடுத்துக் கூறினால் அவர்கள் உன்னிடம் வேலை செய்வார்கள்.

நீ தான் மாற வேண்டும். எக்காரணத்தைக் கொண்டும் சூழ்நிலை மாறாது. நான் இப்படித்தான் என்று கூறினால் நீ மட்டும் தான் நின்று கொண்டு இருப்பாய். நீ இந்துவாய் இருந்தால் கர்ம பலனை நம்பியே ஆகவேண்டும், நீ இந்துவாய் இருந்தால் போன ஜென்மம் அதற்கு முந்தைய ஜென்மம் என்பதை நம்பியே ஆகவேண்டும், அப்படி நம்பும் போது எல்லாவற்றுக்கும் காரணம் நீயே என்று நம்பித்தான் ஆகவேண்டும். அப்பொழுது அனாவசியமாக அடுத்தவர்களை நாம் குற்றம் கூற மாட்டோம். டார்வினின் தத்துவம் கூறுவது போல பலம் இருப்பது மட்டுமே ஜீவிக்கும். அந்த பலம் அறிவு பலமாக இருக்கலாம், ஆன்ம பலமாக இருக்கலாம், அன்பு பலமாக இருக்கலாம், பதவி பலமாக இருக்கலாம், பண பலமாக இருக்கலாம் ஆனால் பலம் மட்டுமே ஜெயிக்கும்.

நீ எத்தனை கூறினாலும் நீ இந்துவாய் இருக்கும்போது கலைஞரை தூற்ற முடியாது ஒரே காரணம் உனக்கு குழந்தை பிறந்தால் நீ ஆசீர்வதிக்கப்பட்டவன் அந்தக் குழந்தைக்கு குழந்தை பிறந்தால் நீ மேலும் ஆசீர்வதிக்கப்பட்டவன் இப்படி அவர் கொள்ளுப் பேரன் குழந்தை வரை பார்த்துவிட்டார். இன்றைய காலகட்டத்தில் கல்யாணம் ஆனபின்னால் குழந்தை பிறந்தாலே பெரிய விஷயம் என்று ஆகிவிட்டது. மகாலட்சுமி என்னுடைய புத்திரர்களை ரட்சிப்பாய் என்று தேவி மகாத்மியத்தில் வருகிறது, செல்வம் என்றால் அது குழந்தைச் செல்வமே. தசரத சக்கரவர்த்திக்கு கூட குழந்தையில்லாத பிரச்சனை இருந்தது.

தேவி மகாத்மியத்தில் பலசுருதி கூறுவது தேவியை பூஜிப்பவருக்கு வாக்குவன்மை இருக்கும், எழுத்து வன்மை இருக்கும் அடுத்தது அவரிடம் அதிகாரம் இருக்கும். மேலும் அவரிடம் செல்வம் நீக்கமற நிறைந்திருக்கும் இந்த நான்கு விஷயங்களுமே அவருக்கு ஒத்து வருகிறது. இப்படி இருக்கும்போது அவரை நாம் குறை கூறவே முடியாது அப்படிக் கூறினால் நீ தேவி மகாத்மியத்தை குறை கூறுகிறாய்.

ஒரு சுய ஒழுக்கத்துடன் உன்னுடைய வேலையை சரியாக செய்யாத நீ அவரை குறை கூறுகிறாய். உனக்கு கிடைக்கும் உனக்கு கிடைக்கும் மிகப்பெரிய பரிசு நேரம் இன்று தூங்கி நாளை எழுவோம் என்பது நிச்சயம் இல்லை அப்படி எழும் போது நமது அக்கவுன்டில் கிடைத்திருக்கும் 24 மணி நேரமும் 18 மணி நேரமோ அல்லது பன்னிரண்டு மணி நேரமும் அதை நமக்கு கொடுத்தது இறைவன் அல்லது இயற்கை எப்படி வேண்டுமானாலும் வைத்துக் கொள்ளலாம் அதை சரியாக பயன்படுத்தாமல் இருப்பது அவரை அவமானப் படுத்துவது அல்லவா. நீ அதைத்தான் செய்து கொண்டிருக்கிறாய் கலைஞர் அதை செய்யவில்லை அதனால் தான் அவருக்கு எல்லாம் கிடைத்தது. பரிசை வாங்கி குப்பைத் தொட்டியில் போடாமல் அவர் அந்தப் பரிசை போற்றிப் பாதுகாத்தார். அவர் தினசரி நடைப்பயிற்சி செய்து வந்தார், 65 வயதிற்கு பிறகு நடக்கும்போதே பேப்பர் படிப்பார் அவர் படித்த பின்னே பார்த்தால் அந்த பேப்பர் ஒழுங்காக மடிக்க பட்டிருக்கும் செய்யும் எந்த ஒரு செயலிலும் ஒரு நேர்த்தி இருக்க வேண்டும். விடா முயற்சி, நம்பிக்கை, பொறுமை இவையே வெற்றி பெற்றவர்கள் அனைவரிடமும் உள்ள ஒற்றுமை.

நம்மள நாமே பார்ப்போமே 5

ஸ்ரீ உமா மகேஸ்வரர் ஆலயத்தில் ஆத்மா  உடன் நடந்த உரையாடல்கள் 
தொகுத்து எழுதியவர் : திருமதி ஜெயந்தி
தட்டச்சு : திருமதி லதா மகரிஷி

பகுதி 5

சரி, இப்படிச் சிந்திப்பதற்கு ஒரு ஆரம்பம் எது என்று கேட்கிறோம், அப்படி என்றால் சிரசே (தலை) பிரதானம்னு பெரியவங்க சொல்லியிருக்காங்க. எண் சாண் உடம்புக்கு சிரசே பிரதானம்னு சொல்லியிருக்காங்க. ரைட் சிரசிலேயும் நல்ல நிலையிலேயே இருக்கக்கூடியது கண்கள்ன்னு சொல்லியிருக்காங்க, அந்தக் கண்ணையும் நாம இப்ப மூடிடறோம். சரி, மூடின பிறகு மனநிலையோட ஓட்டம் ஓடுதுங்கறது தெரியுது. இப்ப இந்த ஓடக்கூடியதை இருந்து ஒருமைப்படுத்தறதுக்கு உண்டானது என்னன்னு பார்த்தா உயர்ந்த நிலையில் இருக்கக் கூடிய வஸ்துக்களில் நாம நம்முடைய எண்ணத்தைச் செலுத்தினோம்ன்னா இந்த முகத்துலதான் நாம் எங்கேயாவது ஓரிடத்துலே இருந்து முதலில் செலுத்திப்பழகனும். அதுக்கு எந்த இடம் அப்படின்னு அவங்க சிந்தித்தபோது இரு கண்களுக்கு, மத்தியில் இருக்கக்கூடிய இடம்  பெரியவங்க இருந்து நமக்குச் சொல்லிக் கொடுத்திருக்காங்க. மூன்றாவது கண் என்று சொல்லக் கூடிய ‘த்ரி நேத்ரம்’ என்று சொல்லக்கூடிய விஷயமாகப்பட்டது எதுவோ அந்த இடத்திலிருந்து நாம் பிரயாணத்தை ஆரம்பிக்கறது, நல்லதுன்னு பெரியவங்க சொல்லியிருக்காங்க. இந்த உலகத்திலேயே மிக முக்கியமான விஷயம் எது?     இந்த உலகத்தில் இதுதான் அப்படீன்னு சொல்லக் கூடியது எது? இந்த உலகத்திலேயே மதிக்க வேண்டிய ஆள் யார்? இப்படி கேட்கலாம் ஈஸியாக இருக்கும். இந்த உலகத்திலேயே மதிச்சே ஆகணும் வேற வழியே இல்லை, அப்படிங்கறதுக்கு, உரியவர் யார்?

நம்மள நாமே பார்ப்போமே 4

ஸ்ரீ உமா மகேஸ்வரர் ஆலயத்தில் ஆத்மா  உடன் நடந்த உரையாடல்கள் 
தொகுத்து எழுதியவர் : திருமதி ஜெயந்தி
தட்டச்சு : திருமதி லதா மகரிஷி

பகுதி 4

இப்போ கண்கள் இருந்து பிரகாசமானது, கண்கள் இருந்து சைதன்யமிக்கது. (அழகு), கண்கள் சுயமாகவே சில விஷயங்களை ஆற்றக்கூடியது, அப்படிங்கறது நாம அடிப்படையிலே உணர்ந்தாலும், அந்தக் கண்களை இயக்குவிக்கக்கூடிய சக்தின்னு ஒன்னு வேண்டிய ஒரு விஷயம், ஆனால், எது இருக்கிறதோ அதன் மூலமே அதை உணருவதற்கு உண்டான சாத்தியக் கூறு இருக்கிறது. அப்படீங்கறதுனாலேயும் முதல்ல நாம  கண்களிலிருந்து ஆரம்பிக்கிறோம்.

சரி கண் அப்படீங்கறது எந்த ஒரு சூழ்நிலையையும், எதையும் மிக விரைவாக தன்னுள் ஈர்க்கும். அப்படி ஈர்த்துக் கொண்டது நேராமனதிற்குப்போகும்.  இப்போ, முதல்ல நாம் செய்ய வேண்டிய விஷயம் ஈர்ப்பு என்ற ஒன்று வந்து விட்டாலே நாம் நம்மை விட்டு வெளியே செல்கிறோம்னு அர்த்தம். ஈர்க்கக் கூடிய விஷயங்கள் எல்லாம் நல்லது அப்படீங்கற ஒரு கண்டிஷன் இருக்குன்னா அப்ப பிரச்சனை இல்லை. இது எல்லாவற்றையுமே ஈர்க்குங்கற கண்டிஷன் இருக்கறதுனாலே முதல்ல இது எதையுமே ஈர்க்க வேண்டாம் அப்படிங்கற ஒரு நிலைக்கு வருவோம். அப்ப என்ன பண்றோம், முதல்ல கண்ணை மூடறோம், கண்ணை மூடினவுடனேயே என்ன ஆகும்? அது பற்றக்கூடிய, அது பிடிக்கக்கூடிய வஸ்துக்கள் இல்லாமல் போய்விடும். சரி, முதல்ல அதை நிறுத்தறோம். கண்களை மூடினவுடனேயே கண்களுடைய வேலை முடிஞ்சுடுச்சு. ஆனா மனதினுடைய வேலை இங்கு ஆரம்பம் ஆகிறது.  அது பாட்டுக்கு ஓடத்தொடங்கும். ஆனா என்ன ஓடுனாலும் இந்தக் கண்ணுடைய துணை இல்லாத காரணத்துனாலே அது நின்று நிதானமா தட்டுத்தடுமாறி அப்படியே நடக்கும்.

நம்மள நாமே பார்ப்போமே 3

தன்னைத் தான் அறிய வேண்டும்.

ஸ்ரீ உமா மகேஸ்வரர் ஆலயத்தில் ஆத்மா  உடன் நடந்த உரையாடல்கள் 
தொகுத்து எழுதியவர் : திருமதி ஜெயந்தி
தட்டச்சு : திருமதி லதா மகரிஷி

பகுதி 3

இப்போ ஒவ்வொருத்தருக்கும் ஒவ்வொரு இலக்கு இருக்கும். ஆனால் அது அல்ல வாழ்க்கை ஆனால், எல்லோருக்கும் இருக்கக்கூடிய ஒரே ஒரு இலக்கு நாம் விரும்பினாலும், விரும்பாவிட்டாலும் அடையக்கூடிய இடம், அப்படின்னு ஒன்று இருக்கன்னா நாம் எங்கு இருந்து வந்தோமோ அந்த இடத்தை அடைவது மட்டுமே அது. நாம் தன்னைத் தான் அறிய வேண்டும்.

எங்கிருந்து வந்தோம் என்று சிந்தித்தோம் என்றால் இறை அனுக்கிரகம் பெற்ற அனைத்து நபர்கள் மூலமாகவும், ஆன்மீகத்தில் திளைத்து எல்லாவற்றையும் விட்டு, நிர்சிந்தையாக நின்று அந்த ஒரு பிரபஞ்சத்தினுடைய முழுபலத்தை சிந்தித்தவர்கள் நமக்குத் தந்திருக்கக்கூடிய ஒருவிஷயம்.

எது இந்தப் பிரபஞ்சத்தை உருவாக்கிய சக்தியோ, அந்த சக்தியிடமிருந்து தான் நாம் வந்திருக்கிறோம்.  அப்படிங்கிறதுதான் அவங்க சொல்லியிருக்காங்க, அதை நம்மாலேயே உணர முடியாத, நம்ப முடியாத, இருக்கக்கூடிய ஒரு சூழ்நிலையைத்தான், மாயை என்கின்ற ஒரு தன்மைங்கறது. அப்படீன்னு அவங்க நமக்கு சொல்லிக் கொடுத்திருக்காங்க. அப்ப அந்த மாயையிலிருந்து விலகுவதற்கும் நமது இலக்கினுடைய தன்மையிலிருந்து நாம் இயல்பாக பயணிப்பதற்கும், அந்த பயணத்தில் எந்த வித இடையூறும் இல்லாமலிருப்பதற்கும் உண்டான விஷயங்களை நாம் நமக்குள் கலந்து உரையாடி, நாம் தெளிவு பெற்று, நம்மைச் சார்ந்தவர்களையும் தெளிவு பட செய்ய வேண்டும் என்று ஆசைப்படுகின்ற அனைவரையும், தெளிவுபடுத்துவதற்கு இந்த கிளாஸ் ஒரு அஸ்திவாரமாக அமையும்.

நம்மள நாமே பார்ப்போமே 2

ஸ்ரீ உமா மகேஸ்வரர் ஆலயத்தில் ஆத்மா  உடன் நடந்த உரையாடல்கள் 
தொகுத்து எழுதியவர் : திருமதி ஜெயந்தி
தட்டச்சு : திருமதி லதா மகரிஷி

பகுதி 2

எண் சாண் உடம்புக்கு சிரசே பிரதானம்.  அந்த சிரசிலே பிரதானம் கண். அதனாலேதான் அந்த குரு வணக்கத்துலே  ஆரம்பத்தில் “கண்களிலே ஒளியாகி” என்று ஆரம்பிக்கும். எந்த ஒரு பொருளையுமே நம்ம அவயத்திலிருந்து நாம தான் போய் பிடிக்கணும். நாம ஒரு பொருளை எடுக்கனும் என்றால் நடந்து போய் எடுக்கனும், ஆனால் கண் அப்படியில்லை இருந்த இடத்திலே இருந்து எத்தனை தூரம் வேண்டுமானாலும் பார்க்கலாம். எல்லாவற்றையுமே படம் பிடித்துக் காட்டும். அதற்கு அளவே இல்லை, இப்போ நாம்  ஆகாயத்தைப் பார்க்கிறோம், அதே நேரம் வானில் பறக்கக்கூடிய ஏரோ ப்ளானைப் பார்க்கிறோம், நட்சத்திரைத்தைப் பார்க்கிறோம்.  அதையெல்லாம் பார்க்க மட்டுமே முடியும் . நம் கண்களுடைய அளவு ஆகாயத்தைப் பார்க்கும் தூரம் போல் பூமியின் தூரத்தைப் பார்க்க முடியாது. அப்படீன்னா இருந்த இடத்திலிருந்து கண் அதை பிடிக்குது.

கண், உடம்புலே ஒரு சைதன்யத்தோட இருக்கிற ஒரு அவயமா நம்மனாலே ப்ரத்யக்ஷ மா உணரக்கூடிய ஒரு உறுப்பு. சுயமா ஒளியை கொடுக்கக்கூடிய ஒரு உறுப்பு நம்மகிட்டே இருக்குன்னா அது கண். வலது கண் சூரியனாகவும், இடது கண் சந்திரனாகவும், வேதம், நமக்கு சொல்லி தந்திருக்கு. எந்த ஒரு பொருளுக்கு சைதன்யம் இருக்கிறதோ அந்தப் பொருளாகப்பட்டது ஒளிரும். இது இருந்து நிதர்சனம் அப்ப நம்ம உடம்புலே சைதன்யமா இருக்கக்கூடிய ஒரு வஸ்து ஒன்னு இருக்குன்னா அது கண்.அதாவது கண்ணால் பார்க்கப் படுகின்ற அனைத்துமே மனதால் கிரகிக்கப்படுகிறது.  

நம்மள நாமே பார்ப்போமே 1

 ஸ்ரீ உமா மகேஸ்வரர் ஆலயத்தில் ஆத்மா  உடன் நடந்த உரையாடல்கள் 
தொகுத்து எழுதியவர் : திருமதி ஜெயந்தி
தட்டச்சு : திருமதி லதா மகரிஷி

பகுதி 1

சங்கல்பம்  நமக்கென்று இருக்கக் கூடிய அடையாளங்கள் நாம் வசிக்கக்கூடிய இடம், நாம் அன்றாடம் செய்யக்கூடிய காரியங்களில் துணையாக இருக்கக் கூடிய குரு, அது போக இருக்கக்கூடிய குறியீடுகள்,  குறியீடுகள் என்பது, இன்னைக்கு என்ன கிழமை? ஞாயிறு அடுத்தது, இன்றைக்கு என்ன திதி? பிரதமை, என்ன நட்சத்திரம், அவிட்டம்,கிழமை, திதி, நட்சத்திரம், யோகம், கரணம், இந்த அஞ்சும் ஒவ்வொரு நாளும் விழித்தவுடன் நமக்குத் தெரியனும்.  ஏன்னா? நாள் என்பது பிருதிவி, திதி என்பது அப்பு, நட்சத்திரம் என்பது தேயு, இவைகளை சொல்லி இந்த செயலை நான் இந்த நிலையில் ஆரம்பித்து, நல்லபடியாக முடிக்கனும் என்கிற விஷயத்தை தெளிவு படுத்துவது சங்கல்பம்.

சங்கல்பம் இல்லாத எதுவுமே நடைமுறைக்கு வராது. அப்போ இன்றைக்கு நாம் ஒரு கிளாஸ் அப்படின்னு சொல்லீட்டு  இன்றைக்கு நாம தொடர்பு கொண்டியிருக்கிறோம். இந்த வகுப்பாகப்பட்டது தொடர்ந்து நடக்கனும். இந்த வகுப்பாகப்பட்டது நடக்கறதுனாலே ஏற்படக்கூடிய பயனாகப்பட்டது எனக்கு முழுமையாக கிடைக்கனும். இந்த வகுப்பிலே இருக்கக்கூடிய தன்மைக்கு ஒப்பவாறு என்னுடைய தகுதியை எனக்கு நான் வளர்த்து  வதற்கு உண்டான வாய்ப்பு, சூழ்நிலை மனோபக்குவம் என்னிடம் நீங்காது இருக்கனும்.  இன்றைய நிலையில், இந்தச் சூழ்நிலையில் இதற்கு எல்லாமே அடி ஆதாரமாக இருப்பது,  குரு. இப்ப இங்கே இருக்கக்கூடிய எல்லோருமே இந்தத்துறையில் ஓரளவு பரிச்சயம் இருக்கின்ற காரணத்தினாலே ஒவ்வொருவருக்கும் ஒவ்வொரு குரு இருப்பார்கள்.

அப்போ முதல்ல குரு வணக்கம்,

“குரு பிரம்மா, குரு விஷ்ணு, குருதேவோ மஹேஸ்வரா,

குருசாஃஷாத்  பரப்பிரம்மா தஸ்மை ஸ்ரீ குருவே நமஹ”,

இது ஆதி காலந்தொட்டே பெரியவர்கள், சாஸ்திரங்கள் நமக்கு சொல்லிக்கொடுத்தது.  இது குருவணக்கம் தெரிந்தவர்களுக்குப் பதிவான விஷயம். நாம் இங்கே கொஞ்சம் எளிமையாகவும், நம்முடைய மனத்தில் ஆழமாக பதியறதுக்காக இருக்கக்கூடிய நல்ல கருத்தான ஒரு கவிதையை சொல்லுகிறேன். மனதில் பதிய வைத்துக்கொள்ளுங்கள். இதுவும்

ஒரு குரு வணக்கப்பாடல்

கண்களிலே ஒளியாகி

கருத்தினிலே பொருளாகி

எண்ணமதில் நினைவதுமாகி

இதயமதில் அன்பாகி

என்னாலே உருவாகி

உன்னுள்ளே நானாகி

என்னுள்ளே நீயாகி

என்னை நடத்தும் வழியாகி

இருக்கின்ற என் குருவின்

பொற்பாதங்களே சரணம்.

மகரிஷி தயானந்த ஜோதி அவதார தினம்

குருவருளும் திருவருளும் துணை நின்று என்றென்றும் வழிநடத்தட்டும்.
வாழ்க பொருளுடன் வளர்க அருளுடன்.
18.08.2018 சனிக்கிழமை ஆவணி மாதம் விசாகம்.
தவத்திரு மகரிஷி தயானந்த ஜோதி அவர்களின் அவதார தினம்.
நமது ஸ்ரீ உமா மஹேஸ்வரர் ஆலயத்தில் நடைபெற்ற குரு ஆராதனை .