946075_567988379947192_587505588_n

மஹா சிவராத்ரி வ்ரதநிர்ணயம்

                 மகரிஷி மஞ்சரி புத்தகத்திற்காக சிவராத்ரி வ்ரதநிர்ணயத்தைப் பற்றி நமக்கு, இந்த கட்டுரையை தந்த திரு. ஜோதிட கலாநிதி டாக்டர் எஸ்.சுயம்பிரகாஷ், வி.கி.,றிலீ.ஞி., அவர்களுக்கு மனமார்ந்த நன்றியை தெரிவித்துக் கொள்வோம்.

                 சைவ சமயத்தில் மஹா சிவராத்ரி விரதம் மிக முக்கிய சிவவிரதமாகும். உபவாசத்துடன் இரவு முழுவதும் கண்விழித்து நான்கு காலமும் சிவபூஜை செய்து சிவ பெருமானை ஆத்மார்த்தமாயும், ப்ரார்த்தமாயும் வழிபடுவது இவ்விரதத்தின் சிறப்பாகும். க்ருதயுகத்தில் முருப்பெருமானும், திரோதாயுகத்தில் விநாயகரும், த்வாபரயுகத்தில் ஸ்ரீமஹா விஷ்ணுவும், கலியுகத்தில் ரிஷிகளும், சிவயோகிகளும் பூஜிப்பதாக புராணங்கள் கூறும். எனவே இந்த விரதத்தை முறையோடு அனுஷ்டிப்பவர்களுக்கு அளவற்ற புண்ணியம் கிடைக்கும் என்பது சைவ ஆகமங்களின் ஒருமித்த கருத்தாகும்.

                 சைவத்தில் இத்தகைய முக்யத்துவம் வாய்ந்த சிவராத்ரி விரதநிர்ணயத்தில் சில சமயம் குழப்பங்கள் நேரிடுவதுண்டு. காலக்கணக்கீடே இதன் காரணமாகும். இது பற்றி அறிந்து கொள்வது மட்டுமல்லாது க்ஷயமாதம், அதிமாஸம் பற்றியும் அறிந்து கொள்ளல் மஹா சிவராத்ரி விரதத்தை நிர்ணயப்பதற்கு உறுதுணையாய் நிற்கும். காலக்கீட்டில் சாந்த்ரமானம், சௌரமானம் எனும் இருவகை பேதங்களுண்டு. இவ்விரு முறைகளுமே தமிழகத்தில் அனுஷ்டிக்கப்படுகிறது. சௌரமானம் என்பது சூரியனை அடிப்படையாகக் கொண்டது. சூரியன் ஒரு ராசியில் இருந்து அடுத்த ராசிக்குப் பிரவேசிக்கும் கால அளவு ஒரு மாதமாகக் கணக்கிடப்படுகிறது. இக்கால அளவு ஏறக்குறைய ஒரு மாதத்திற்கு 31 நாள் 37 நாழிகைக்கு அதிகப்படாமலும், 29 நாள் 21 நாழிகைக்கு குறையாமலும் இருந்து வரும். சௌரமானப்படி ஒரு வருடத்தில் காலப்ரமாணம் 365 நாள் 15 நாழிகை 31 வினாடி 15 தற்பரைகளாகும்.

                 வளர்பிறை முதல் அமாவாசை முடிய உள்ள கால அளவே சாந்த்ரமான மாதம். 30 திதிகளை கொண்டது ஒரு சாந்த்ரமான மாதமாகும். ஒரு சாந்த்ரமான மாதத்தின் கால அளவு 29 நாள் 18 மணிக்கு அதிப்படாமலும், 29 நாள் 7 மணிக்கு குறையாமலும் இருக்கும். சாந்தரமான வருஷப்பிரமானம் 354 நாட்களாகும். ஒவ்வொரு மாதத்தின் பெயரும் பௌர்ணமி அன்று எந்த நட்சத்திரம் உள்ளதோ அதன் பெயரே அந்த மாதத்திற்கு இடப்பட்டு உள்ளது. ஒரு சாந்த்ரமானத்திற்கும், ஒரு சௌரமானத்திற்கும் 11 நாட்கள் வித்தியாசம் உண்டு.

 க்ஷயாதி மாதம்:

                ‘அஸக்ராந்தி மாசோ அதிமாச; ஸ்புடஸ்யாத் த்விசங்க்ராந்தி மாஸ:                க்ஷயாக்ய………………                                                                             – சிந்தாந்த சிரோமணி

 என்பதின்படி ஒரு சாந்திரமான மாதத்தில் சூரிய சங்கிரமணம் நிகழாமல் போனால் அது அதிமாஸமாக கருதப்படுகிறது. அதே போல ஒரு சாந்திரமான மாதத்தில் சூரிய சங்கிரமணம் இருமுறை நிகழின் அது க்ஷய மாதம் எனப்படும். ஒரு சௌரமான மாதத்தில் இரண்டு அமாவாசை வரின் அது சமசர்ப்பம் எனப்படும். ஒரு சமசர்ப்ப மாதத்தில் இரு சூரிய சங்கிரமணம் நிகழ்ந்தால் அது அம்ஹஸ்பதி மாதம் எனப்படும். முன் கூறியபடி சங்கிரமணம் நிகழாமல் இரு அமாவாஸை ஏற்படுவதையும் அதிமாசம் என்றும், இரு சங்கிரமணம் நிகழ்வதை க்ஷயமாஸம் எனவும் கூறப்படும். க்ஷயம் என்பதை அம்ஹஸ்பதி என்றும் அதிமாசமானது சர்ப்பம் என்றும் கூறப்பெறும். சம்சர்ப்பமும், அம்ஹஸ்பதியும் ஒருமித்து வருவதற்கு பல ஆண்டுகள் ஆகும். பத்தொன்பது ஆண்டுகளுக்கு பிறகு ஒரு முறை மாறி மாறி சம்பவிக்கும். இவ்வாறு சம்சர்ப்பம், அம்ஹஸ்பதி சம்பவிக்கும் ஆண்டுகளில் மஹா சிவராத்ரி விரத நிர்ணயம் பற்றிய குழப்பம் ஏற்படுவதுண்டு.

                 கடந்த காலங்களில் 1907, 1926,1945,1964,1983, 2002 ஆகிய ஆண்டுகளிலே மஹா சிவராத்ரி விரதம் தை மாதத்தில் அனுஷ்டிப்பதால் அல்லது மாசி மாதத்தில் கடைபிடிப்பதா என்ற குழப்பங்களும், சர்ச்சைகளும் நடைபெற்றன. இதற்கு நடைமுறையில் கணக்கிட பெறும் சாந்திர சௌரமானங்ளே காரணம் ஆகும்.

 சிவராத்ரி ஒரு விளக்கம்:

                               மாசி மாதத்தில் கிருஷ்ணபக்ஷத்தில் மகாசிவராத்ரி விரதம் அனுஷ்டித்தல் வேண்டும். த்ரயோதசி எனப்படும் பதின்மூன்றாம் சக்தியும், சதுர்த்தசி எனும் பதிநான்காம் நாள் சிவமும் ஆகும். நடுநிசியில் சதுர்தசியும், அதற்கு முன்னம் த்ரயோதசியும் இருப்பது உத்தமம். குறைந்த நேரம் த்ரயோதசியும், அதிக நேரம் சதுர்தசி அல்லது அதிக கால அளவு த்ரயோதசியும், குறைந்த கால அளவு சதுர்தசியும் அல்லது சூரிய உதயத்தில் த்ரயோதசி இருந்து பின்னர் நாள் முழுவதும் சதுர்தசி இருந்தாலும் அது சிவராத்ரியாகும். அமாவாசை திதி சிறிதளவு கூட இருக்கலாகாது. அது அதிக தோஷம் தரும். த்ரயோதசி, சதுர்தசி, அமாவாசை மூன்றும் கூடும் நாளில் திருவோணம் நட்சத்திரம் கூடினால் அது அதம சிவராத்ரி ஆகும். இதை அனுஷ்டிப்பது பாபமாகும். இதற்கு ப்ராயஸ்சித்தம் செய்ய வேண்டும் என குமார தந்திரம் கூறுகிறது. இதன்பிரமாணம் பின்வருமாறு:

 ‘தன்மாஸே க்ருஷ்ணப«க்ஷது வித்யதெயா சதர்தசீ

  தத்ராத்ரி சிவராத்ரிஸ்யாது சர்வபுண்ய சுபாவஹ:

ராத்ரௌ யாமத்வா தர்வாக்கடிகைகா மகாநிதி

தஸ்யாம் சதுர்தசீ யஸ்மாத் தத்ராத்ரம் சிவராத்ரகம்

 முக்யாத்ரயோதசீ மிஸ்ரா பர்வமிஸ்ராதமாகமா

 மத்யம் சிவராத்ரிஸ்யாத் அஹோராத்ரஞ்ச சதுர்த்தசீ

தஸ்யாம் பூஜ்யோ மஹாதேவ:

 சைவமும் ஆகமங்களும்:

                 தமிழகத்தின் அனைத்து சிவாலயங்களுமே ஆகம விதிப்படி நிர்மாணிக்கப்பட்டு, ஆகமவிதிகளின்படி நித்ய நைமித்திக காம்ய கர்மாக்களும் உற்சவங்களும் நடைபெற்று வருகின்றன. சைவசமயம் எனும் சரீரத்திற்கு ஜீவனாக விளங்குவது சிவ ஆகமங்களே ஆகும். எனவே சைவசமயத்தவர் தத்தம் ஆகமங்களின்படியே நித்ய நைமித்யகர்மங்களும், விரதங்களும் அனுஷ்டிப்பதே மரபு. அதைவிடுத்து ஸ்மிருதிகள் வழியில் அனுஷ்டிப்பது தவறாகும். சைவ ஆகமங்கள் அனைத்துமே சௌரமானத்தையே அனுஷ்டிக்க வேண்டும் என வலியுறுத்துகின்றன. சாந்த்ரமானம் கூடாதெனவும் தெளிவாக்குகின்றன. இதனை,

                 ‘சௌரமானே வ்ரதமம் குர்யாத்சாந்த்ரமானனே நகாரயேத்’

 எனவும் சிந்தயம் எனும் ஆகமம் சௌரமானத்தில் அனுஷ்டிக்க வேண்டும் எனக் கூறுகிறது. மேலும் உத்திரகாரணாகமம்.

 “மாகல்குணய:க்ருஷ்ண சதுர்தஸ்யாம் சுபதிதௌ

சௌரமாஸே வ்ரதம் குர்யாத் சாந்தரமானே நாகாரயேத்

 என சௌரமாஸேத்திவ் தான் விரதம் அனுஷ்டிக்க வேண்டும் என்பதைத் தெளிவாக்குகிறது. தவிர

 “துலாஸ்நான முஷாப்யங்கம் க்ருத்திகாதி பவமேவ

  தனுர்மாசி ஹரெ:பூஜா சிவராத்ரி வ்ரதம் ததா

 சௌரமானேன கர்த்தவ்யம் சாந்த்ரமானே ந கராயேம்”

 எனும் பிராமணமும் சௌரமானப்படியே சாந்த்ராதிமானிகள் மாக பகுளத்தில்-தைமாதத்தில் விரதம் அனுஷ்டிக்கலாம். ஆனால் தமிழர்கள் சௌரமானிகள் ஆனதாலும், சிவாகமங்கள் யாவுமே சௌரமானத்தையே வலியுறுத்துவதாலும், க்ஷயாதி மாஸம் வரும் ஆண்டுகளிலும், மாசி மாதத்தில் சிவராத்ரி விரதத்தை அனுஷ்டிப்பது தான் நியாயம். மேலாக காமிகம் எனும் ஆகமத்தில், மகரத்தில் சூரியன் வரும்போது தை மாதத்தில் மாகஸ்நானம் செய்யவும். மாகஸ்நான விரத முடிவில் சிவராத்ரியை அனுஷ்டிக்க கூறப்பட்டுள்ளது. இதிலும் விசேஷம் யாதெனின் மகரரவியாகிய தை மாதத்தில் சாந்தரமான மாக(மாசி) முடிவடைந்துவிடும். மறுபடி 30 நாள் மாகஸ்நானம் செய்யவும். அப்படிச் செய்தபின் கடைசியில் க்ருஷ்ணபக்ஷ சதுர்தசியில் சாந்தரமான புஷ்யமாக அதாவது தை மாதம் போல் தையில் வரும் சாந்தரமான மாக மாச கிருஷ்ண சதுர்த்தசியை நீக்கி மாசியில் வரும் கிருஷ்ண சதுர்த்தசியில் மகாசிவராத்ரி விரதம் அனுஷ்டிக்க வேண்டும்.

                 மகாசிவராத்ரி விரதம் பற்றிய காலக்கணக்கீட்டினை சிந்தியம் எனும் ஆகம நூல் பின்வருமாறு தெளிவாக்குகிறது.

 

“சிம்ஹேது ரவி சம்ப்ராப்தெ ரோகிணிசஹிதாஷ்டமி

 ததாதிகணனம் க்ருத்வா காசீதிசரத்ரா

 சதோபேத தினாந்தேது சிவராத்ரி இதி நிஸ்ச்சய:

                 சிம்ம ராசியில் சூரியன் நிற்கும் ஆவணி மாதத்தில் ரோகிணியோடு கூடிய அஷ்டமி தினம் முதல் எண்ணி வரும் 184வது நாளின் இறுதியில் சிவராத்ரி காலமாகும். எந்த வருஷத்திற்கும் இக்கணக்கீடு பொருந்தும். இதில் விசேஷ விதியாது எனில் 184-ம் நாள் சதுர்தசி இல்லாவிடினும் அல்லது பங்குனிக்குச் சென்றாலும் மாசியில் சதுர்தசியில் வ்ரதம் அனுஷ்டிப்பது தான் சரி. 24-09-1920-ம் ஆண்டு காஞ்சி பரமாச்சார்யாள் முன்னிலையில் நடைபெற்ற சாஸ்திரசதஸில் விருதை சிவஞான யோகியின் கருத்துகளை அதாவது மாசியில்தான் சிவராத்ரி வ்ரதம் அனுஷ்டிக்க வேண்டும் என்பதினை சிவாகம பண்டிதர்கள் முன்னிலையில் ஆசார்ய சுவாமிகளும் ஆதரித்தார்கள். இதே கருத்தினை ஆகமங்களும் அங்கீகரிக்கின்றன.

 “மாக பால்குணயோர் மத்யெ க்ருஷ்ணப«க்ஷ சதுர்த்தசீ

 சிவராதரி திக்யாதஸ் ஸர்வக்ஞாநொ உத்தமோத்தமம்”

                                                                   –காரணாகமம்

 “மாக பால்கணய க்ருஷ்ண சதுர்தஸ்யாம் சுபதினே

சௌராமாஸே வ்ரதம் குர்யாத் சாந்த்ரமாநேன ந காரயேத்”

                                     –உத்கரகாரணகமம் & சுப்ரபேதம்

 “கும்பம்கதே திவாநாதே க்ருஷ்ணேயாது சதுர்த்தஸி

  மாகமாஸ்ய சிதெப«க்ஷ வித்யதெயா சதுர்த்தசீ தத்ராத்ரி சிவராத்ரி”

                                        –காமிகாகமம்

ஆகம ப்ராமணங்கள் அனைத்துமே சௌரமான மாசி மாதத்தில் தான் அனுஷ்டிக்க வேண்டும் எனத் தெளிவாகக் கூறுகின்றன. இதைவிடுத்து சாந்திரமானத்தில் அனுஷ்டிப்பதால் ஆயுள், குடும்பம், செல்வம் இவை நாசமாகும் என்பதினை,

ஸர்வேஷாம் சௌரமாநகம் பராத்தேசாலய

யேஷ்வேஷ§ சௌரமானே நாகரயேத்

சௌரமான  விஹாயாத சாந்திராதிபி: க்ருதீதத்யதி

                                ஆயு:ஸ்ரீபுத்ராஞ்ச தத்கர்மம் நிஷ்பலம் பவேத்.

 எனத் தெளிவாகவே கூறுகிறது.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>