Constant Remembrance of the Master is superior to Meditation
M2

தியானம்

 

ஆதிகாலம் தொட்டே இந்தியாவில் மனித வாழ்க்கையின் ஒரு அங்கமாக தியானம் இருந்து வந்திருக்கிறது.  உடலுக்கு செய்கின்ற பயிற்சி உடலை உறுதியாக்குவது போல் மனதுக்கு செய்யும் பயிற்சி மனதை உறுதியாக்கும் தியானம் என்பது மனதிற்கு செய்யும் பயிற்சியே ஆகும்.

       மனம் ஈடுபடாத செயல் உயிர் இல்லாத உடலை போன்றது.  மனம் ஈடுபட்டு செய்யக்கூடிய எல்லா செயல்களுமே தியானம்தரன்.  கோவிலுக்குச் சென்று கண்களை மூடி வேண்டிய தேவைகள் பூர்த்தியாக வேண்டுதல் தியானம் அல்ல,அது பிரார்த்தனை.  பிரார்த்தனை வேறு, தியானம் வேறு,  தியானத்திற்கும், பிரார்த்தனைக்கும் சம்பந்தம் இல்லை, ஆனால் சம்பந்தம் உண்டு.  மனம் ஈடுபடாத வேண்டுதல்களால் பயன் இல்லை, பலனும் இல்லை.  தியானத்திற்கு கென்று தனியாக நேரமில்லை,  எல்லா நேரங்களிலும் நாம் ஏதோ ஒரு வேலைகளை செய்து கொண்டே யிருக்கிறோம்.  அந்த வேலைகளில் மனம் இருந்தாலே அந்த வேலையே தியானம்.  தியானத்தின் மூலம் அடையக்கூடிய பயன் என்னவென்£ல் மனப்பயிற்சி.  மனப்பயிற்சின் மூலம் மனம் வலுவடையும், வலுவடைந்த மனம் எந்தப் பிரச்சனைகளையும் சரியாக சிந்திக்கும், பயமில்லாமல் நேருக்கு நேர் சந்திக்கும், மனதின் உணர்வுகளாய் இருக்கின்ற காம, குரோத,லோப, மோக, மத, மாச்சரியம் போன்ற விஷயங்களில்  பலமாக மனம் நிதானத்தைக் கடைப்பிடிக்கும் எத்தனை பேருக்கு தன்னுடைய உணர்வுகளின் மீது ஆதிக்கம் செலுத்தும் ஆற்றல் இருக்கிறது.  உணர்வுகளின் மீது ஆதிக்கம் செலுத்த உணர்வுகளை அறிந்து கெள்ளும் அறிவும், பக்குவமும் வேண்டும் அது தியானத்தின் மூலம் கைகூடும்.அதனால் தியானம்  செய்வோம் ஆற்றலை பெறுக்குவோம் வாழ்வாங்கு வாழ்வோம்

 இனி வரும் வலை பதிவுகளில் மேலும்  தியானம் சம்பந்தப்பட்ட விஷயங்களை காண்போம்

 

பாப புண்ணியம்

 5  ASTROLOGY

அன்பு சார்ந்த இணைய தள வாசகர்களுக்கு வணக்கம்

                 மனிதனுடைய தேவைக்கும், ஆசைக்கும், நன்மைக்கும், தீமைக்கும் இடையில் தான் வாழ்க்கை ஓடிக்கொண்டிருக்கிறது. தேவைகளின் விகிதாசாரமும், ஆசைகளின் விகிதாசாரமுமே நன்மை, தீமைகளை உண்டாக்குகிறது. தேவையென்பது முக்கியமாக உடல் சம்பந்தப்பட்டது.

                அதாவது பசி, தூக்கம் போன்றவை நாம் நினைத்தாலும், நினைக்காவிட்டாலும் உடலுக்கு சக்தி தேவைப்படும் போது உடல் தனது தேவையை தெரியப்படுத்துகிறது. அந்த தேவையை பூர்த்தி செய்யும் இடத்தில் ஆசை நுழையும் போது நன்மையோ, தீமையோ உண்டாகிறது.

                உதாரணமாக பசிக்கு உணவு என்பது தேவை. ஆனால் அந்த உணவை நாம் ஆசையின் காரணமாக தேவைக்கு அதிகமாக உண்ணும் போது நமக்கு நன்மை செய்ய வேண்டிய உணவு தீமையை செய்யத் தொடங்கிவிடுகிறது.

                 தேவையின் அளவுகளை ஆசையின் காரணமாக நாம் தாண்டும் போது முன்னோர்கள் நமக்கு உணர்த்தியது போல் அமிர்தமும் நஞ்சாகிறது. நமக்கு எது தேவையென்று அறிய தொடங்கிவிட்டாலே நமது ஆசையின் அளவு முடிந்த அளவு குறைந்துவிடும்.

                 தன்னை பற்றிய சிந்தனையை தேவைகளில் செலுத்தும் போது நன்மை நம்மை நாடி வரும். தேவைகளில் ஆசைகளின் அளவுகள் அதிகமாக அதிகமாக தீமைகள் நம்மை நாடி வந்து தொல்லை செய்யும். இதை புண்ணியம், பாபம் என்று கூட வைத்துக் கொள்ளலாம்.

                 தன்னைப் பற்றி சரியான சுய மதிப்பீடு இல்லாத நிலையில் நம்மை தீமைகள் அணுகுவதும் நாம் பாபத்திற்கு ஆட்படுவதும் தவிர்க்க முடியாத விஷயமாகிவிடும். நாம் அறமுடன் வாழ்ந்து பொருளை சேர்த்தால் இன்பமுடன் இருந்து வீடு பேற்றை அடையலாம்.

                 இது வாழும் வகை, இப்படி எல்லோராலும் வாழ முடிகிறதா என்ற வினா நமக்குள் எழும்போது இல்லையென்றுதான் சொல்லத் தோன்றுகிறது. இப்போதைய சூழ்நிலை எப்படி வேண்டுமானாலும் வாழ்ந்து பொருளை சேர்ப்பது நோக்கமாகிவிட்டது. இப்படி அடிப்படை மாறும் போது எல்லாமே மாறித்தானே போகும்.

                 வினைகளை தீர்க்க எடுத்த இந்த ஜென்மமானது வினைகளை மேலும் மேலும் பெருக்கிக் கொள்ளவே அமைந்துவிட்டது. உண்மையில் நமக்கு நமது மனதைப் பற்றியும், நமது உடலைப் பற்றியும் அறியும் தன்மை அமைந்துவிட்டால் நாம் அறிவுள்ளவர்கள் ஆவோம்.பகுத்தறிவு என்பது இதுதான்

     நாம் உடலைப் பற்றி அறிந்து கொண்டால் தேவையைப் பற்றி அறிந்து கொள்ளலாம். மனதைப் பற்றி அறிந்து கொண்டால் ஆசையைப் பற்றி அறிந்து கொள்ளலாம். இது இரண்டையும் அறிந்து கொண்டால் எல்லாம் அறிந்தவர் ஆகலாம்.

                                 தன்னைத்தான் அறிய வேணும்

                                சாராமல் சார வேணும்

                                பின்னைத் தான் அறிவதெல்லாம்

                                பேயறிவு ஆகுமடி

             — அகப்பேய் சித்தர்

                 தேவையைப் பற்றியும், ஆசையைப் பற்றியும் அறிவு இல்லாதவர்களுக்கு வேறு என்ன தெரிந்து இருந்தாலும் அது தெரிந்து கொள்ள உதவிய அறிவு பேயறிவு ஆகும். பேயறிவு என்று அவர் சொல்லக் காரணம், அந்த அறிவு நன்மையை தராது, பாபத்தைப் போக்காது, புண்ணியத்தை சேர்க்காது, முக்கியமாக தன்னை அறிந்திருக்காது.

                 தன்னைத் தான் அறியும் போது நம்முடைய வினைகள் நமக்கு தெரியத் தொடங்கும். நம்முடைய வினைகள் நமக்கு தெரியத் தொடங்கும் போது நாம் எதை, எப்படியெல்லாம், எப்போது அனுபவிக்க வேண்டிவரும் என்பது தெரிந்துவிடும். அப்படி தெரியும் போது நமக்கு பயம் போய்விடும், பயம் போய்விட்டால் தெளிவு கிடைத்துவிடும். தெளிவு வந்துவிட்டால் சிந்தனை சரியாய் அமையும்.

                 சிந்தனை சரியாய் அமையும் போது செயலும் சரியாய் அமையும். சரியாக அமைந்த செயல் நன்மையை மட்டுமே தரும். அப்போது பாபம் பின் தொடராது.

                 பாபம் தொடராத வாழ்க்கை அமைவது புண்ணியத்திலும் பெரும் புண்ணியம். அது எல்லோருக்கும் அமைவது இல்லை. அப்படி அமைத்துக் கொள்ள வேண்டும் என்ற சிந்தனையும் வருவதில்லை. அப்படி சிந்தனை வர வேண்டும் என்றாலே அதற்கு ஜோதிட சாஸ்திரம் சொல்லும் விதிகளில் 5-ம் இடம் வலுத்திருக்க வேண்டும்.

                 5-க்குடையவன் கெடாமல் இருக்க வேண்டும். முக்கியமாக மனோகாரகன், உடல் காரகனாகிய சந்திரன் கெடாமல் இருக்க வேண்டும். 5-ம் இடத்தில் பாபிகள் அமையாமல் இருக்க வேண்டும். அப்படியே அமைந்தாலும் சுபரால் பார்க்கப்பட்டிருக்க வேண்டும். இது போல் இன்னும் பல விதிகளை ஜோதிடம் சொல்கிறது இந்த பாப புண்ணிய விஷயங்களை நாம் ஜோதிடத்தின் மூலமாகவே அறிய வேண்டியிருக்கிறது நமக்கு வேறு வழியில்லை

    அதனால் பாப புண்ணியங்களை ஜோதிடத்தின் மூலமாகவே அறிந்து வாழ்வாங்கு வாழ்வோம் 

 

இந்தியர்களின் சிறப்புகளை சிந்திப்போம்போற்றுவோம்

IMG-20140116-WA0001

 சில உண்மைகள்: இந்திய மக்களை பற்றி

1. அமெரிக்காவில் மருத்துவர்கள் 38% இந்திய ஊழியர்கள்

 2. அமெரிக்கா விஞ்ஞானிகள் 12% இந்திய ஊழியர்கள்

 3. உலகின் ஐபிஎம் ஊழியர்கள் 28% இந்திய ஊழியர்கள்

 4. நாசாவின் ஊழியர்கள் 36% இந்திய ஊழியர்கள்

 5. இன்டெல் ஊழியர்கள் 17% இந்திய ஊழியர்கள்

 6. மைக்ரோசாப்ட் பணியாளர்கள் 34% இந்திய ஊழியர்கள்

 7. சமஸ்கிருத 1987 ஃபோர்ப்ஸ் இதழ் அறிக்கை கணினி மென்பொருள் மிகவும் பொருத்தமான மொழிகள் ஆகிறது

 8. செஸ் இந்தியாவில் கண்டுபிடிக்கப்பட்டது

9. ஹாட்மெயில் ‘ன் நிறுவனர் ஒரு இந்திய குடிமகன்

 10. ஜீரோ ஆர்யபட்டா என்ற ஒரு இந்திய குடிமகனால்  கண்டுபிடிக்கப்பட்டது

 11. இயற்கணிதம் இந்தியாவில் கண்டுபிடிக்கப்பட்டது

12. Calculas மற்றும் கோணவியல் இந்தியாவில் கண்டுபிடிக்கப்பட்டது

 13. ஹெவ்லெட் பேக்கார்ட் (ஹெச்பி) பொது மேலாளர் இந்திய ஊழியர்.

 14. பென்டியம் சிப் உருவாக்கியவர் ஒரு இந்திய ஊழியர்.

 15. இந்தியா உலகின் மூன்றாவது பெரிய இராணுவத்தை கொண்டுள்ளது

 

நான் ஒரு இந்திய குடிமகனாக இருக்க  பெருமைப்படுகிறேன்!!

மனித வாழ்க்கையில் யோகா

     மனிதனுடைய வாழ்க்கையில் ஆரோக்கியம்  மிக முக்கியம்.  ஆரோக்கியமாக வாழ யோகா மனிதனுக்கு கிடைத்திருக்கும் மிகப் பெரிய வரப்பிரசாதம்.  உடலின் உள்உறுப்புகளுக்கு உண்டான பலத்தை தருவதில் யோகாவிற்கு நிகர் யோகா மட்டுமே.

     உள் உறுப்புகளின் ஆற்றல்கள் குறையாமல் இருக்கவும், அதனுடைய ஆற்றல்கள் மேம்படவும், யோகா மூலம் செய்ய முடியும்.  வரும் முன் காத்தல், என்னும் சொல்லுக்கிணங்க யோகாவை சரியான முறையில் முறையாக, ஆசானிடம் பயிற்சி பெற்றால் நம் உடலுக்கு உண்டாகும் கேடுகளை வரும் முன் காக்கலாம்.

     பண்டைய காலத்தில் நோய்ற்க்கு தரும், மருந்துகளுடன் உணவு பத்தியத்தையும், எளிய முறை சில ஆசன முறைகளையும், நோயாளிகளுக்கு சொல்லிக்கொடுத்து நோயை நிவர்த்தி செய்து வந்திருக்கின்றனர்.  4448 வியாதிகளை குணப்படுத்த மணி, மந்திரம், ஒளஷதம், போன்றவையுடன், யோகாசனத்தையும் இணைத்து பலன் தந்திருக்கின்றனர்.

     ஆரோக்கியமாக வாழ்வதற்கு பல வழிமுறைகள் இருந்தாலும், அதில் உச்சியாய் இருப்பது யோகாசனம் மட்டுமே.  தினமும் யோகா செய்யும் ஒரு மனிதன் தனக்கு வரக்கூடிய பல நோய்களை முன் கூட்டியே தடுத்து விடுகிறான்.  அதனால், அவன் நீண்ட ஆயுளையும், நல்ல ஆரோக்கியத்தையும், பெற்று சுகத்துடன் வாழ்கிறான்.  மனிதன் சுகமாக இருப்பதற்கு அடிப்படையான விஷயம், நோயற்ற உடலே.  நூறு வயது வாழ வேண்டிய மனிதன் நூறு வயது வாழவேண்டுமானால், நோயற்ற ஆரோக்கியமான உடல் நிலை தேவை, அப்படி இல்லாவிட்டால், நூறு வயது வாழ்ந்தும் பிரயோஜனம் இல்லை.  தினமும் ஒரு முப்பது நிமிடம் யோகசானம் செய்வதானலேயே உடல் பலமும், உள்ள பலமும் பெற்று ஆரோக்கியத்துடன் வாழ்வாங்கு வாழ முடியும்.

      யோகசானம் செய்வதால் உண்டாகும்  பொதுவான நன்மைகள் :

 ஒற்றைத் தலைவலி, இரு பக்க தலைவலி, மைக்கைரன் தலைவலி, போன்றவை ஏற்படாது.    கண் ஒளி பெறும், கண் புறை ஏற்படாது.  தைராய்டு சுரபிகள் நல்லபடியாய் இயங்கும்.முகம் அழகு பெறும்.  தோல் மினுமினுப்பு கூடும், மூளை பலம் பெறும், ஞாபக சத்திகூடும், மறதி ஏற்படாது, பல் ஆடாது, மிக விரைவில் பல் நோய் அண்டாது.  வாய் துர்நாற்றம் வீசாது. காது நன்றாக கேட்கும்.  காதின் உள் நரம்புகள் பலத்துடன் இருக்கும்.  செவிப்பறை மிகுந்த சக்தியோடு இயங்கும்.  சளி சம்பந்தப்பட்ட தொந்தரவுகள் ஏற்படாது.  ஆஸ்துமா, சைனஸ் தொந்தரவுகள் நம்மை அண்டாது. மலச்சிக்கல் ஏற்படாது,  இடுப்பு சதை விழுகாது. பிருஷ்ட பாகங்களில் தேவையில்லாமல் சதை கூடாது. இன விருத்தி உறுப்புகள் பலத்துடன் நல்லமுறையில் இயங்கும். விந்து பலம் அதிகரிக்கும், மலட்டுத்தன்மை நீங்கும். 

பெண்களுக்கு கர்ப்பப்பை சம்பந்தப்பட்ட எல்லாத் தொல்லைகளும் தீரும்.ஜீரண சக்தி அதிகரிக்கும், உண்ட உணவு நல்ல முறையில்  செரிமானமாகும்.  நரம்புகளின் பலம் கூடும், உடலில் பிராண சக்தியின் ஒட்டம் சீராக நடைபெறும்,  கைகால் மூட்டு வலிகள் ஏற்படாது, வயதான பின்னும் இளமையோடு இருக்கலாம். இதனுடன் மனோ பலமும் கூடுவதால் எந்தப் பிரச்சனைகளையும் சரியான படி சிந்தித்து முடிவெடுக்கும் ஆற்றல், நமக்கு உண்டாகும். பயம் கவலை போன்றவை நம்மை அண்டாது.  சீறு நீராக கோளாறுகள் ஏற்படாது.  கணுக்கால் வலிகள் ஏற்படாது. உடல்பருமன்கூடாது.                                                                                                                                                                                                                                                                  இந்த அளவுக்கு சிறப்புப்பெற்ற யோகாசானம் சம்பந்தப்பட்ட விஷயங்களை இப்பொழுது பார்க்கலாம். 

                                பத்மாசனம்

     பத்மாசனம் செய்யும் முறை:

 முதலில் காற்றோட்டமான நல்ல ஒரு இடத்தைத் தேர்ந்தெடுங்கள்.   தூய ஒரு வெண்ணிற ஆடையை விரியுங்கள், உடலுக்கு இறுக்கமில்லாத ஆடையை அணியுங்கள், அப்படி அணியக்கூடிய ஆடை பருத்தி ஆடையாக இருப்பது நல்லது.   இடது காலை வலது தொடையிலும், வலது காலை இடது தொடைமீதும் மாற்றிப் போடவும், கால் மூட்டுகள் இரண்டும் தரையைத் தொட வேண்டும்.  குதிகால்கள் இரண்டும், வயிற்றின் அடிபாகத்தை தொடும்படியாக அமைக்கவும். முதுகெலும்பை நேராக நிமிர்த்தி, கம்பீரமாக உட்கார வேண்டும்.  இரண்டு கைகளையும், சின் முத்திரையுடன் அமரவும், சின் முத்திரை என்பது, ஆள்காட்டி விரலை மடித்து அதன்  நுனியை பெருவிரல் நுனியுடன் இணைத்து மற்ற மூன்று விரல்களை நேராக நீட்டி புறங்கையை இரு முட்டிகளின் மேல் வைத்துக் கொள்வது சின் முத்திரை. கண் பார்வையை மூக்கின் நுனியில் செலுத்தவும்.

     சிலருக்கு இந்த ஆசனம் எளிதில் வராது,  ஒவ்வொரு காலாக தொடைமீது போட்டுப் பழகவும், தொடர்ந்து முயற்சித்தால் எளிதில் வந்து விடும்.

     ஆரம்ப கட்டத்தில் சில வினாடிகள் இருந்தால் போதுமானது.  வலி இருந்தால் உடனே ஆசனத்தை கலைத்துவிடவும்.  பழக பழக வலி இருக்காது. ஒன்று முதல் மூன்று நிமிடம் அமரலாம்.

பலன்கள்:

 அடிவயிற்றுப் பகுதிக்கு இரத்த ஒட்டம் அதிகமாகும்.  நன்றாக பசி எடுக்கும்.  ஜீரண சக்தி அதிகரிக்கும்.  வாத நோய் தீரும், வழி பாடு, ஜெபம், தவம், மன ஒருமைப்பாடு இவற்றிற்க்கு சிறந்தது.  நாடி சுத்தி, பிராணயாமம் இந்நிலையில் இருந்து கொண்டு செய்தல் நலம்.

 

Translate »